بوگون «شنبه» خبری بیر ییغینده نطق سوزله‌گن سیلاولر ایرکین کمیسیونی‌نینگ باشلیغی گلاجان عبدالبدیع صیادنینگ معلوم قیلیشیچه، نماینده‌لر کینگشی و تومن‌لر کینگشی سیلاولری‌نینگ نامزدلرینی رویخط‌گه آلیش جریان رسمی شکلده باشلنگن.
صیادنینگ کوپه‌یتیریشیچه، کیله‌جک سیلاولرده اوزلرینی نامزد قیله‌دیگن کیشی‌لرنینگ رویخط‌گه آلیش اوچون سیلاولر کمیسیونی بوتونله‌ی تیارگرلیک آلگن.
صیادگه کوره، سیلاولر نامزدلرینی رویخط‌گه آلیش جریانی 22- جوزا گه دوام ایته‌دی و سیلاولر اوچون اوزلرینی نامزد قیله‌دیگن کیشی‌لر، سیلاولر کمیسیونی تامانیدن تاپشیریله‌دیگن فورم‌لرنی تولدیریب و قیته‌دن کمیسیون گه تاپشیریشی کیره‌ک.
کورینیشیچه، سیلاولر کمیسیونی‌نینگ ایشی گه دخالت قیلینیشی و مذکور اداره‌نینگ ایشانچی، ایرکین‌لیگی و اوتمیشی توغریسیده بولگن سوراقلر و خواطرلر، سیلاولر ایرکین کمیسیونی‌نینگ اعضالرینی اساسی خواطرلریدن سنله‌دی.
سیلاولر ایرکین کمیسیونی باشلیغی‌نینگ ایتیشیچه، مذکور اداره‌نینگ قولدن کیتگن ایشانچی‌نی قیته‌دن قولگه کیریتیش اوچون سیلاولر کمیسیونی‌نینگ اعضالری، تنیق‌لیک تأمین‌لنیشی خصوصیده، قربانلیک بیریش‌گه حاضر بولگن‌لر و یشاوچیلر دسیسه‌لرنی آلدی آلینیشی اوچون کمیسیون گه یاردم بیریش‌لری کیره‌ک.
او، حکومت‌دن سیلاولر کمیسیونی‌نینگ ایشی‌گه دخالت قیلمه‌سینی سوره‌یدی.
سیلاولر ایرکین کمیسیونی‌نینگ باشلیغی گه کوره، ینگی‌لیک‌ده تشکیل ایتیلگن 4 تومن دن باشقه برچه تومن‌لرنینگ جمعیتی بیللی بولگن و قیشلاقلرده آواز بیرووچیلرنینگ رویخط‌گه آلیش اوچینچی دوری باشله‌نیشی توغریسیده تیارگرلیک‌لر آلینگن و شونینگدیک، سیلاوگه تیگیشلی حساس موادلر محل گه انتقال بیریلگن.
سیلاولر ایرکین کمیسیونی تامانیدن بیریلگن رقم اساسیده، بوتون مملکت‌ده حاضرگچه سیلاولرگه اشتراک قیلیش اوچون 30 میلیون دن آرتیق کیشی رویخط‌گه آلینگن و بو رقم کونسایین کوپیماقده دیر.
