سیلاولرگه اصلاحات کیریتیش کمیسیون تنلاو کمیته‌سی‌نینگ ییتی اعضاسی تنیشتیریلدی. مذکور کمیسیون‌ن اورین باسری صدیق‌الله توحیدی‌نینگ سلام‌وطندارگه ایتیشیچه، هنوزگچه عالی محکمه، ادارلرگه اصلاحات کیریتیش کمیسیون، انسان حق و حقوق‌لری و اساسی قانون‌نی تطبیق ایتیلیشینی کوزه‌توچی اداره، خبرچی‌لر، عیاللر حقوق فعالی و مدنی جماعه‌چیلیک نماینده‌لری مذکور کمیسیون‌گه اعضالیک قیله‌دی.
جناب توحیدی، دین‌محمد گران، نادر هوتک، لطف‌الرحمان، فهیم دشتی، نعیم ایوب‌زاده، زرقا یفتلی و احمدضیا لنگری ترتیب اساسیده عالی محکمه، اداره‌گه اصلاحات کیریتیش کمیسیون، اساسی قانون‌نی تطبیق ایتیلیشینی نظارت قیلیوچی اداره، مدیا، مدنی اداره‌لر، عیاللر حقوقی‌نی مدافعه قیلیوچی اداره‌لر و انسان حق و حقوق‌لری کمیسیون تامانیدن تنیشتیرگن‌لر.
جناب توحیدی، مذکور رویخط هنوز هم نهایی ایمس، اوزگریشی ممکن دیگن. اونگه کوره، حاضر سیلاولرگه اصلاحات کیریتیش کمیسیون سیلاولر تیزیمی اوزگریشی، سیلاولر حوزه‌لری تیکشیریلشی شفافیت کمیته‌سی تیکشیریلیشی اوچون ایش باشله‌گن دیگن.
کمیته اعضالری تانیشتیرگن جمهور رییس‌لیک سرایی ایشلری بوییچه اداره بوندن ایکی هفته آلدین، سیلاولرگه اصلاحات کیریتیش کمیسیون تنلاو کمیته‌سی بیر هفته‌دن کیین بیرینچی ییغینی اوتکزیش ممکن دیگن ایدی، بیراق مذکور کمیته هنوزگچه ایش‌گه باشلمه‌گن.
سیلاولرگه اصلاحات کیریتیش کمیسیون جمهور رییس غنی‌نینگ تقنینی فرمانی اساسیده جاری ییل سرطان آیی‌ده سیلاولر تیزیمی‌گه اصلاحات کیرتیش‌نی ایجاد قیلگن ایدی. اوشبو کمیسیون بوندن نیچه وقت آلدین 11 ماده‌لیک تکلیفی‌نی ملی بیرلیک حکومتی رهبرلریگه تقدیم قیلگن ایری.
