افغانستان تشقی ایشلر وزیرلیگی جاری هفته پنجشنبه کونی کابل تاپی اوچون میزبانلیک قیلیشینی معلوم قیلدی.
وزیرلیکنینگ سوزلاووچیسی احمد شکیب مستغنینینگ بوگون کابلده خبری بیر انجمنده ایتیشیچه، ییغینده ترکمنستان، هندوستان و پاکستان کانلر وزیری قوشیمچه بو ساحهنی متخصص هیاتلر قتنشهدیلر.
جناب مستغنی، ییغین اوچون افغانستان کانلر و پترولیم وزیرلیگی میزبانلیک قیلیشینی ایتگن. ییغینده اشتراک قیلهجک دولتلر تاپی لایحهسی کیلیشووینینگ اوستیده بحث قیلیشلری کوتیلهدی.
شکیب مسغنی، ترکمنستان کنسرسیوم رهبرلیگی اوچون فرانسهلیک توتال شرکتی بیلن هم مذاکره قیلگن. ایتیلیشیچه، بو توغریده مارچ آیینینگ آخریگه قدر کیلیشیلهدی.
مستغنی، چین و روسیه هم کنسرسیوم رهبرلیگی اوچون قیزیقیش کورستگن لیکلرینی تیلگه آلگن.
عین حالده، بوندن بیر آی آلدین پاکستان میزبانلیگیده اوتکزیلگن تاپی گاز قوورینی اوتکزیش لایحهسینینگ ییگیرمنچی ییغینی نتیجهسیز اوز پایانیگه ییتگن ایدی.
اما، اقتصاد متخصصی فیروزخان مسجدی تاپی اعضالری کابل ییغینده دییرلی نتیجهگه ایریشیشلری بارهسیده امید بیلدیرگن. جناب مسجدینینگ ایتیشیچه، اسلام آباد ییغینیده تورلی موضوعلر اوستیده بحث ایتیلگن ییغیننینگ اعضالری کنسرسیوم تعیین ایتیلیشی اوستیده کیلیشه آلمهگن ایدیلر.
مملکت کانلر وزیرلیگینینگ مسووللرگه کوره، اوشبو پایپ لاین قوریلیشی بیلن هر ییلی 33 میلیارد متر مکعب گاز هند و پاکستان همده کونده 14 میلیون متر مکعب گاز افغانستانگه صادر قیلینهدی.
تاپی لایحهسی اوچون 8 دن 10 میلیارد اقش دالری صرفلهنیشی چمهلنگن. نیچه وقت آلدین مملکت کانلر وزیری لایحهنینگ عملی ایشی ایکّی آیدن سونگ باشلنهدی دییه بیلدیرگن ایدی.
تاپی لایحهسینینگ بیرینچی ییغینی 2005- ییلده ترکمنستان، هندوستان، پاکستان و افغانستان اشتراکی بیلن کابلده اوتکزیلگن ایدی.
