نیچه ییلدن بیری پولیس و اردوگه ایشلب کیلهدیگن قطار عیاللر، حکومت نینگ قیینچیلیکلریگه توجه قیلمهگنلیگی بیلن قارهلیدیلر.
بوگونکی هرات عیاللر ریاستی اولکه ایرکینلیگی مناسبتی بیلن حربی عیاللر آلقیشلهنیشی اوچون آلگن ییغینیده، قطار حربی عیاللر دولتدن انتقاد قیلیب ایتیشلریچه، حاضرگی شرایطده اولیم اولرنی هرلحظه تهدید قیلهدی ولی حکومت اولر اوچون توجه سیز قالگن.
بو عیاللر مقامات تامانیدن اولرگه اهمیت بیریلمهگنلیگی، حربی ربتهلرینی کوتریلمهگنلیگی، آذوقه و البسهلری یخشی شکلیده بیریلمهگنلیگی و طالبلر تامانیدن تهدید بولیشلرینی هراتدهگی ییریک قیینچیلیکلردن دیب عنوان قیلهدیلر.
اولر دولتدن حربیلر ارا تبعیضنی یوقاتیلیشینی کوتهدیلر و عیال عسکرلردن حمایت قیلیشینی سوریدیلر.
هرات ولایتی کینگش عضوی سمیه هم پولیس و اردودهگی عیاللردن دولتنی حمایت قیلمهگنلیگی بارهسیده انتقاد قیلهدی و عیال عسکرلرگه بولهدیگن تبعیضلردن شکایت قیلهدی.
اونینگ بیلدیریشیچه، نظامی حوزهده فعالیت قیلیب کیله دیگن عیاللرگه قرشی منفی تبعیضلر سبب عیاللر نظامی بولیمده اونچهلیک علاقه کورستمسهلر.
عین حالده، هرات عیاللر ریاست باشلیغی محبوبه جمشیدی نینگ ایتیشیچه، حاضرگی شرایطده باید حکومت عیاللرنی آلقیشلب اولرگه کوپلب توجه قیلسه.
خانم جمشیدیگه کوره، برچه قیینچیلیکلر و ناتینچلیکلرگه قرهمی، عیاللر ایریم بولیملرده ایش قیلیب کیلماقدهلر و باید بولر ایشلریدن آلقیشلهنیلسه.
خانم جمشیدی نینگ کوپهیتیریشیچه، هراتدهگی عیال پولیسلر اوز بورچلرینی یخشیلیک بیلن بجریب کیلماقدهلر.
شونینگدیک هرات والیسی محمدآصف رحیمی هم اوشبو احتفالده قتنشیب، نظامی بولیمیده ایش قیلیب کیلهدیگن عیاللرنی تشویق و خدمت قیلیش بارهسیده انگیزه بیریشلری اوچون کورهشیب کیلماقدهلیگینی بیلدیرگن.
اوتگن کون هم جمهور رییس و اجرایی رییس حضوری بیلن اولکه ایرکینلیگی اوچون آلینگن احتفالده امنیتی کوچلر آلقیشلنگن ایدی.
اوشبو ییغینده جمهور رییس غنی امنیتی کوچلردن قاطع حمایت قیلیش و امنیتی کوچلرگه امکانات یرهتیش اوچون کوپلب کورهشیشلرینی بیلدیرگن.
اولکه ایریم ولایتلریده طالبلرهجومی کوپیگنی، اینیقسه شمال، امنیتی کوچلری نیچه جبهه آرقهلی جنگریلرگه قرشی کورهشیب کیلماقدهلر.
