افغانستان مدافعه وزیرلیگینینگ ایتیشیچه، یالغیز تورت تومن جملهدن بغران و دیشوی هلمند، خاکافغان زابل و ناوه غزنی قوراللی طالبلر قولیگه توشگن.
مدافعه وزیرلیگی عملیات بولیمی باشلیغی افضل اماننینگ پنجشنبه کون کابلده اوتکزیلگن خبری ییغینده ایتیشیچه، کندز ولایتی دشتارچی، چهاردره و شونینگدیک هلمند ولایتی نوزاد تومنی وقتینچهلیک قوراللی طالبلر قولیگه توشگن ایدی، قیتهدن امنیتی کوچلر قولیگه توشگن.
بوندن آلدین، هلمند ولایتی نوزاد تومنی قوراللی طالبلر قولیگه توشگنی توغریسیده گزارشلر ترقهتیلگن ایدی. بیراق جناب امان بو گزارشنی رد ایتیب ایتیشیچه، امنیتی کوچلر تکتیکی صورتده آرقهگه چیکیلگنی باعث، نوزاد، قلعهزال، چهاردره، دشتارچی و امام صاحب تومنلری بیر قسمی قوراللی طالبلر قولیگه توشگن.
شوندهی بیرحالده، پارلمان نمایندهسی بشیر احمد تهینچنینگ سلاموطندارگه ایتیشیچه، دولتگه قرشی قوراللی عصیانچیلر فاریاب ولایتی قیصار تومنی ایکی قیشلاغینی باسیب آلگن.
اونینگ ایتیشیچه، قوراللی طالبلر تامانیدن قیصار تومنی اوستیگه اویوشتیریلگن هجوم نتیجهسیده، ارکلیک و آقتاش قیشلاقلری قوراللی طالبلر قولیگه اوتکن.
جناب تهینچنینگ کوپهیتیریشیچه، حاضر امنیتی کوچلر و طالبلر اورتهسیده، قیصار، المار، دولتآباد، گرزیوان و خواجهسبزپوش تومنلریده اوروش دوام ایتماقده.
شونینگدیک، هلمند پولیس قومندانی شاه محمود آشنا، نوزاد تومنی طالبلر قولیگه اوتکنینی تأیید قیلگن، بیراق ایتیشیچه، بو تومننی قیته آلیش اوچون امنیتیکوچلر سعی و حرکت قیلماقده.
اوتکن کیچه، هلمند ولایتی نوزاد تومنیده چیت ایللیک کوچلر هوایی هجومی نتیجهسیده کمیده 70 طالب هلاک بولگن.
باشقه تاماندن، طالبلر سوزلاوچیسی قاری یوسف احمدینینگ ایتیشیچه، امنیتیکوچلر و مذکور گروه اورتهسیده یوزبیرگن توقنهشوو نتیجهسیده حربی کوچلردن 40 تهسی هلاک بولگن و پولیس موتریدن 16 ته سینی غنیمتگه آلگنلر.
عین حالده، مدافعه وزیرلیگی عملیات بولیمی باشلیغینینگ ایتیشیچه، دولتگه قرشی قوراللی عصیانچیلر اوتکن تورت آی جریانیده اونملی ریجهلرینی عملگه آشیرگن، بیراق امنیتی کوچلر تامانیدن آغیر تلفات کورگن.
جناب اماننینگ کوپهیتیریشیچه، دشمن سونگی کونلرده بوتون مملکتنی ناتینچ قیلیش اوچون کورهشگن.
اونینگ کوپهیتیریشیچه، امنیتی کوچلر قولدن کیتکن منطقهلرنی قیتهدن قولگه آلیش عملیاتلرنی یولگه قویگنلر.
عین حالده، حربی ایش بیلرمانلردن بیرقطاری، عصیانچیلر برابریده امنیتی کوچلر ایشیدن تنقید قیلگنلر.
حربی ایش بیلرمانلردن بیری عتیقالله امرخیلنینگ سلام وطندارگه ایتیشیچه، اوتکن تورت آیده دولتگه قرشی قوراللی عصیانچیلر یالغیز قمراوگه آلگن تومنلرده مغلوب بولگن.
اونینگ ایتیشیچه، امنیتی کوچلر، طالبلر برابریده جدی صورتده حرکت قیلمهگن.
جناب امرخیل ایشانچیگه کوره، قوراللی طالبلر، امنیتی کوچلر برابریده مغلوب بولگن صورتده، حاضر افغانستان ناتینچ بولمس ایدی.
بیراق مدافعه وزیرلیگی عملیات بولیمی باشلیغینینگ ایتیشیچه، امنیتیکوچلر اوتکن تورت آی جریانیده، مملکت بویلب 566 تازهلش عملیات و 100 تکتیکی عملیات یولگه قویگنلر، نتیجهده 41 تومننی قولدن کیتیشی باشقریلگن.
جناب امانگه کوره، امنیتی کوچلر اوتکن تورت آی جریانیده، 700 طالبنی توتقونگه آلگن و یوزلرچهسینی اولدیرگن.
