بوگون «چهارشنبه» کابل‌ده نماینده‌لر کینگشی سیلاوی‌نینگ آوازلرینی توپلش مرکزی آچیلیش ییغینیده سیلاولر ایرکین کمیسیونی باشلیغی گلاجان عبدالبدیع صیادنینگ ایتیشیچه، اوشبو مرکزده عیارلنگن سیستم، انسانی اره‌لشوونی بوتونله‌ی صفر قیلگن و آوازلرنی تازه‌لش تنیق شکلده عمل‌گه آشیریله‌دی.
صیادگه کوره، آواز صندوقلری برچه آواز بیریش مرکزلردن توپلنگن و ولایت‌لرنینگ مرکزلریگه انتقال بیریلگن.
صیادنینگ کوپه‌یتیریشیچه، کابل آوازلری‌نینگ نتیجه‌سینی تازه‌لش بوگوندن باشلنه‌دی.
گزارش‌لرگه کوره، مملکت‌ده نماینده‌لر کینگشی سیلاوی‌نینگ 2 کونیده، آواز بیریش مرکزلردن بیرقطاریده آواز بیرووچیلر بایومتریک بولمه‌گن‌لر.
سیلاولر ایرکین کمیسیونی باشلیغی‌نینگ ایتیشیچه، مملکت بویلب آواز بیریش مرکزلری‌نینگ 20% دن آرتیغی‌ده بایومتریک اسکونه‌لریدن فایده‌لنیلمه‌گن و اوشبو کمیسیون ایشلاوچی‌لری، مذکور مرکزلرنینگ آوازلرینی دقت بیلن تیکشیریب و سنه‌ش اوچون سعی و حرکت قیله‌دیلر.
اونگه کوره، تنیق آوازلردن تنیق‌سیز آوازلرنی بیللی قیلیش و آوازلر دقت بیلن سنه‌لیشی توغریسیده مشخص میکانیزم نظرگه آلینگن.
صیادنینگ کوپه‌یتیریشیچه، سیلاولر ایرکین کمیسیونی‌نینگ ایشلاوچی‌لری و نظارتچی‌لرنینگ امضاءلری بولمه‌گن صندوقلرنی آوازلری قبول قیلینمه‌یدی.
نماینده‌لر کینگشی‌نینگ سیلاوی مملکت‌نینگ 32 ولایتیده 28- و 29- میزان ده یولگه قوییلدی. اوشبو سیلاو یولگه قوییلیشی‌ده کوپینچه کم‌چیلیک‌لر یوز بیردی و بو موضوع یشاوچی‌لر، نظارتچی اداره‌لر و حکومت رسمی‌لری‌نینگ تنقیدلریگه سبب بولدی.
