پروان ولایتیده امریکالیک مخصوص حربی کوچلرنینگ هوادن اوتکزگن هجومی نتیجه‌سیده جان‌احمد قوماندانی ییش بناسی یقینده‌گی قورال اسلحه انباری نشان‌گه آلنیشی چاریکار شهریده ییریک اعتراض‌لرگه سبب بولدی. حکومت اجراییه رییسی همده ولایت کینگش اعضالری مساله اوچون بی فرق قالگنده ایدی، چاریکار شهریده‌گی بوتون دکان‌لر اوغیرله‌نیب کیتیلیشی امکان‌دن اوزق ایمس ایدی.
امریکه‌لیک حربی‌لرنینگ عملیاتی‌دن سونگ، جان‌محمدگه طرفدار شخص‌لر جاده لرگه چیقیب اعتراض‌گه باشله‌گن. اولر امریکه‌گه قرشی شعار بیرگن‌لر. جان‌محمد پروان ولایتیدهگی اسلامی جمعیت حزبی نینگ قوماندانلری همده تَنیلگن شخصیت‌لردن. او سابق شوری همده قورال‌لی طالب‌لرگه قرشی اوروش قیلگن. اونینگ طالب‌لر حاکمیتی‌گه قرشی مقاومت قیلیشی اهالی تامانیدن اعزازله‌نیش گه سبب بولگن. او، پروان مرکزی شامل ولسوال‌لیک‌لریده ییریک نفوس‌گه ایگه‌لیگی ایتیله‌دی.
نیچه ساعت سونگ بو قوماندان یقین‌لری‌نینگ عاموی اخبارات واسطه‌لریگه، جان‌احمدخان ییش بناسی یقینده‌گی قورال اسلحه‌گه توله بولگن انبار اوقلری‌نینگ تاریخی اوتگن لیگینی ایتگن‌لر. اما، بگرام‌ده‌گی امریکه مخصوص کوچلری بو سوزلرگه ایشانمس‌لیکلرینی بیلدیرگن. بگرام‌ده ییرلشگن امریکه حربی‌لری سونگی وقت‌لرده موشکی هجوم‌لر آستی‌گه آلینشلرینی ادعا قیلگن.
اولرگه کوره، قورال‌لی طالب‌لر و باشقه افراطی گروه‌لر انه شونده‌ی مرکزلردن پول مقابلی‌ده قورال اسلحه قول‌گه کیریته‌دی. شونینگ‌دیک امریکه‌لیک‌لر قورال اسلحه مافیاسی بونده‌ی انبارلردن جنگری‌لرگه قورال اسلحه قاچا قیلیش امکان دن اوزاق ایمس‌لیگینی بیلدیرگن. انه شو سبب هم امریکه‌لیک بونده‌ی قورال اسلحه انبارینی کشف قیلگن حالده، اونی بیکار ایتیش‌گه اولگوره‌دی.
ایتیلیشیچه، سونگی کو‌ن‌لرده افغانستان ملی کوچلری و ملی پولیس هم انه شو روشدن ایش آلگن. پروان ولایت کینگشی اعضاسی نینگ نیویورک تایمزگه ایتیشیچه، افغانستان ملی خوفسیزلیک اداره‌سی نینگ مخصوص کوچلری بوندن نیچه وقت آلدین پروان ولایتی‌نینگ سیدخیل منطقه‌سیده بیر اویینی تینتاو قیلگن ایدی.
افغانستان اوزاق قیشلاق‌لریده قورال اسلحه‌گه توله انبارلر قورال‌لی طالب‌لر قولی‌گه توشمس‌لیگی اوچون شبهه یوق.
بوندن آلدین نیچه مرته افغانستان اوزاق منطقه‌لریدن پاکستان‌نینگ قبیله‌لر منطقه‌سی‌گه قورال اسلحه قاچاق ایتیلگنی باره‌سیده گزارش‌لر ترقه تیلگن‌دی. مملکت‌نینگ اوزاق منطقه‌لریده جایلشگن انبارلرده سابق‌دن سقلنه دیگن قورال اسلحه‌لر جنگری‌لر اوچون اساسی منبع سنه‌له‌دی. شونینگ‌دیک جنگری‌لر عادی تیمیردن هم پارتلاووچی بابمه‌لر ایشلب چیقاره‌دیلر.
بنابرین، امریکه‌لیک مخصوص حربی کوچلر همده افغان مخصوص کوچلری نینگ بو قبیل قورال اسلحه انبارلری موجودلیگی باره‌سیده‌گی خواطرلری قانونی دیر. اما، پروان ولایتیدهگی قورال اسلحه‌نی نابود قیلیش اوچون قولله‌نیلگن اصول هیچ مدافعه قیلیش‌گه توغری کیلمیدی. امریکه‌لیک مخصوص حربی‌لر مذکور عملیات‌نی افغان ملی کوچلری هماهنگ‌لی سیز اوتکزیگن. بو عملیات اوتکزیلیشی اوچون محلی حکومت رسمیلری جمله‌دن حکومت‌نینگ اجراییه باشلیغی جریانگه قویلگن – ده ایدی، اهالی‌نینگ هیچ قنده‌ی بو قسم اعتراضی‌گه سبب بولمسدی.
ایتیلیشیچه، مذکور عملیات امریکه‌لیک حربی‌لرنینگ ییریک مرکزی بولیمیش پروان ولایتی‌نینگ بگرام ولسوال‌لیگی‌ده پلان لشتیریلیب عملی بولگن. اوتگن کون پروانده اوتکزیلگن حربی عملیات ملی بیرلیک حکومت رهبرلری اورته‌سیده ایریم شک و تردیدلرنی هم کیلیب چیقیشی‌گه باعث بولگن. اجراییه رییسی نینگ ایریم طرفدارلری امریکه‌لیک مخصوص حربی کوچلر اوتکزگن بو عملیات جمهور رییس‌لیک سرایی همده افغانستان ملی خوفسیزلیک کینگشی پلانی اساسیده عملی ایتیلگن بولیشی ممکن دیگن‌لر.
افغانستان و امریکه دولتی اورته‌سیده امضالنگن امنیتی و مدافعه‌وی کیلیشوونینگ متنی‌ده بگرام‌ده ییرلشگن امریکه‌لیک مخصوص حربی‌لر هر قنده‌ی حربی عملیات‌نی افغانستان مرکزی حکومتی همده محلی بلند مرتبه‌لی رسمیلری بیلن هماهنگ قیلیشی لازم. امریکه‌لیک مخصوص کوچلرنینگ ایریم پیت‌لرده آلیب بارگن اوزباشیمچه حربی عملیات‌لری سابق جمهور رییس حامد کرزی بیلن امریکه دولتی علاقه‌لریگه سلبی تاثیر قالدیریش‌گه باعث بولگن ایدی. انه سبب هم سابق جمهور رییس حامد کرزی کابل و واشنگتن اورته‌سیده‌گی اوزاق مدت‌لی خوفسیزلیک شرطنامه‌سی‌گه قول قوییش‌دن باش تارتگن ایدی.
افغانستان‌ده ییرلشگن خلق ارا کوچلری‌نینگ کوپینچه وقت‌لرده اوز باشیمچه اوتکزگن حربی عملیات‌لری ایجابی نتیجه بیرمی، بلکه اکثر وقت‌لرده امنیت‌گه قرشی عنصرلرنی کوچلنتیرگن. امریکه‌لیک قطار یازووچی‌لرگه کوره، خلق ارا کوچلرنینگ کوپینچه حالت‌ده اوزباشیمه اوتکزگن حربی عملیات‌لری یاده افغان ملی کوچلرینی جریانگه قویمه‌گن‌لیک‌لری افغانستان شرقی‌ده قورال‌لی طالب‌لرنینگ کوچله‌نیشی‌گه سبب بولگن.
اوتگن کون پروان ولایتیده امنیت آلدی آلنمه گن تقدیرده، فرصت‌دن ترروچی‌لر فایده‌له‌نیب خوفسیزلیکنی برهم اوریش‌لری هیچ گپ ایمس لیگی ایتیله‌دی. بنابرین، کیله‌جک‌لرده بیر تامانلمه حربی عملیات‌لر آلدی آلینیشی لازم.
جان‌احمد قوماندان اوتگن ییل جمهور رییس‌لیک سیلاول‌لرده عبدالله عبدالله نی حمایت قیلگن‌لردن. او، سیلاولر جریانیده باشقه قوماندانلرنی عبدالله‌عبدالله دن حمایت بیلدیریش‌گه ترغیب قیلگن. انه شو موضوع بوگون اونینگ قورال انباریگه امریکه‌لیک مخصوص حربی‌لر طرفیدن هجوم استی‌گه آلینیگشی اوچون حدس گمان‌لر موجود. کوپچی‌لیک ذهنی‌ده مذکور عملیات جمهور رییس‌لیک سرایی همده ملی خوفسیزلیک کینگشی تامانیدن پلانلشتیریلگنی باره‌سیده خواطرلر موجود.
کیله‌جک‌لرده هم افغانستان ملی بیرلیک حکومتی نینگ اجراییه رییسی طرف‌دارلریگه قرشی بونده‌ی هجوم‌لر اوتکزیلگن حالده، ملی بیرلیک حکومتی رهبرلری اورته‌سیده ایشانچ سیزلیک میزانی آشیشی‌گه سبب بولیشی تاکیدلنه‌دی.
