ولسمشر غني سیاسي ګوندونو ته خبرداری ورکړی، که د ټاکنو برخه کې پر خپلو غوښتنو ټینګار وکړي، د قانون له مخې به یې منحل کړي.
د سیاسي ګوندونو یوشمېر مشرانو او استازو د ټاکنو په تړاو له ولسمشر سره لیدلي دي.
ویل کېږي ولسمشر د ګوندونو ټولې غوښتنې؛ لکه: د رایې ورکوونکیو د نوملړ بایومټریک کول، د ټاکنیز سېسټم بدلون او د سیاسي ګوندونو په ګډون د نظارتي کمېسیون جوړول، رد شوې دي.
د جمعیتاسلامي ګوند د رهبرۍ شورا غړي پهدې اړه سلاموطندار ته وویل چې ولسمشر له دوی سره په غونډه کې ګواښ کړی، که ګوندونه پر خپلو غوښتنو همداسې ټینګار وکړي، د قانون پر بنسټ به یې منحل کړي.
د مهدي په وینا، ولسمشر څو ځله د سیاسي ګوندونو قانون چې ورسره و، راواخیسته او ویې ویل، که ګوندونه پوځي ګواښ څه چې لفظي هم وکړي، د دې قانون پر بنسټ به یې منحل کړو.
محیالدین مهدي زیاتوي، د هېواد لوی څارنوال فرید حمیدي هم د اصولو خلاف او پر سیاسي ګوندونو د فشار راوستو لهپاره په غونډه کې ګډون کړی و.
ویل کېږي له ولسمشر سره د سیاسي ګوندونو غونډه په اختلاف سره پایته ورسېده او استازو یې هم د اعتراض په توګه یې ارګ کې ډوډۍ ونهخوړه.
د مهدي په وینا، ولسمشر هوډ لري چې د رایې ورکوونکیو د بایومټریک لهپاره ۲۷ زره دستګاوې وپېري چې سیاسي ګوندونه ورسره همغږي نهدي؛ ځکه هغه ماشینونه به یوازې د حکومت په واک کې وي.
خو د ولسمشر د ویاند مرستیال شاهحسین مرتضوي له سیاسي ګوندونو سره د ولسمشر غونډه مثبته ګڼي او وايي چې پهدې غونډه کې د یوې ګډې کمېټې پر جوړولو پرېکړه شوې چې یاده کمېټه به د سیاسي ګوندونو د غوښتنو په اړه بحث او پرېکړې وکړي.
دا په داسې حال کې ده چې تر دې وړاندې د ټاکنو خپلواک کمېسیون ویلي وو، د سیاسي ګوندونو غوښتنې او وړاندیزونه د ولسي جرګې ټاکنو پرمهال نهشي پلي کولی، خو د ولسمشرۍ هغو پرمهال به یې په پام کې ونیسي.
