سونگی اوچ کون ایچیده پنجشیر، بدخشان، پروان، بغلان، ننگرهار، لغمان و نورستان ولایتلریده یوز بیرگن آغیر یاغینگرچیلیک و قلین قار نتیجه سیده 247 انسان هلاک بولگن و یوزدن آرتیق نفر یرهلنگن.
پنجشیر پولیس قوماندانلیگی نینگ خوف سیزلیک آمری محمد نجیم رضایی نینگ بوگون پنجشنبه حوت آیی نینگ 7- سی تیلفون آرقلی سلام وطندارگه ایتیشیچه، پنجشیرده یوزبیرگن قار کوچگیسیده هلاک بولگنلرنینگ سانی آشیشی ممکن.
حاضرگه قدهر 186 کیشی قربان بولگن و 46 نفر تن جراحتی آلگن. جناب رضاییگه کوره، اوچ کوندن بویان مذکور ولایتده قار یاغیش دوام ایتهدی.
ولایتنی مرکز بیلن باغلاوچی برچه ولسواللیکلرنینگ قتناو یولی ترافیک یوزیگه یاپیلیب قالگن. شونینگدیک جناب رضایی، تلفات سانی هر ساعت آشیشی بیلن کوپه یشینی بیلدیرگن.
اونگه کوره، بو طبیعی آفتده 900 قاره مال نابود بولگن. پنجشیر محلی رسمیلریگه کوره، طبیعی حادثهلرگه قرشی کوره شیش، قیشلاقلرنی رواجلتنیریش وزیرلیگی، افغانستان قیزیل آی اداره سی نینگ جبر کورگنلرگه ییتکزیب بیرگن یاردملریگه قرهمی، هنوز هم جبرکورگنلرنینگ جدی یاردمگه احتیاجلری بارلیگی تاکیدلنهدی. بدخشان
بدخشان ولایتی طبیعی حادثهلرگه قرشی کورهش اداره سینینگ باشلیغی سید عبدالله همایون نینگ سلام وطندارگه بیان قیلیشیچه، اوتگن کیچه ولایت نینگ « تنگ و شیوو» ولسواللیگیده روی بیرگن واقعهده 18 کیشی هلاک بولگن.
شونینگدیک حادثهده 150 یشش بنا قار آستیده قالگن. همایون جنابلرینینگ سوزلریگه کوره، بوگون اوچ تیک اوچر ولایتگه یاردم آلیب کیلیشی کوتیلهدی.
اوشبو یاردملر ولایت مرکزیدن جبر کورگن ولسواللیکلر اهالی سیگه ییتکزیلهدی.
پروان
عین حالده، پروان ولایت سرپرستی شاه ولی شاهدنینگ سلام وطندار بیلن قیلگن صحبتیده، سونگی نیچه کونده اوشبو ولایتده یاققن تینیم سیز قارلر عاقبتیده اهالی نینگ تورر بناسی ویران بولگن لیگیدن علاوه 13 کیشی حیاتدن کوز یومگن لیکلرینی اظهار قیلگن.
شونینگدیک تورت کیشی یرهلنگنی تصدیقلنهدی.
بغلان
بغلان ولایتی طبیعی حادثهلرگه قرشی کورهش اداره سی نینگ رییسی نصیر احمد کهزاد، سلاوم وطندارگه ایتیشیچه، بو ولایتدهگی طبیعی آفتده تورت کیشی عالمدن اوتگن.
اونینگ تاکیدلب ایتیشیچه، آغیر یاغینگرچیلیک و یاغیش طفیلی اندرآب ولسواللیگیده نیچه اوی نینگ تامی نورهب توشگنی نتیجه سیده نیچه کیشی حیاتدن اوتگن.
کهزادگه کوره، ولایت نینگ اون ایکی ولسواللیگی مرکز بیلن کسیلیب قالگن. بغلان طبیعی حادثهلرگه قرشی کورهش اداره رسمیلری، 50 ییش اوی قوشیمچه 500 قاره مال اورتهدن کیتگن لیگینی تصدیقله گنلر.
نورستان
شونینگدیک نورستان ولایتی نینگ سرپرستی هم قار و یاغینگرچیلیکلر سبب اونلب اوی بوزیلیب کیتگنلیگی باره سیده خبر بیریشماقده.
ولایت رسمیلری، حادثهده اون بیر کیشی حیاتدن کوز یومگن لیگینی اعتراف قیلگن. نورستان طبیعی حادثهلرگه قرشی کورهش اداره مسوولری نینگ سلام وطندارگه بیلدیریشلریچه، بو ولایتده اونلب انسان هلاک بولگن لیگیدن علاوه اونلب ییش بنا قوشیمچه یوزلب جریب ایکین ییر سوو آستیده قالب کیتگن.
ننگرهار
افغانستان جنوبیده جایلشگن ننگرهار ولایت والیسی نینگ سوزچیسی احمد ضیا عبدالزی نینگ سلاوم وطندار راگه اظهار قیلشیچه، ولایتده اخیرگی کونلرده یوز بیرگن یاغینگرچیلیک همده قار یاغیشلر قطار ولسواللیک لریده اهالیگه مالی و جانی زیان ییتکزیگن.
عبدالزیگه کوره، یالغوز زنگویی ولسواللیگیده بیر عایله نینگ تورت بالاغت یاشیگه ییتمه گن گودکی درک سیز یوقالگن. ایتیلیشیچه، مذکور بالهلرنینگ هنوزگچه هم جسدی تاپیلمه گن.
لغمان
لغمان ولایت والیسی نینگ سوزچیسی سرحدی زواک نینگ سلام وطندارگه بیلدیریشیچه، ولایت دهگی یاغیگرچیلیکلر عاقبتیده تورت کیشی حیاتدن کوز یومگن.
ایتیلیشیچه، اونلب ییش بنا همده یوزلب جریب ایکین ییر اورتهدن کیتگن. زواک نینگ تاکیدله شیچه، یاغینگرچیلیک و قار یاغیش هنوز هم دوامی بار.
اونگه کوره، تلفات سانی آشیشی ممکن. افغانستان جمهور رییسی داکتر محمد اشرف غنی و اجراییه ریاست باشلیغی داکتر عبدالله عبدالله لر مملکت بویلب طبیعی حادثهلرده اوز شیرین جانللرینی قولدن بیرگنلر عایله اعضاسیگه تعذیه بیلدیریشدی.
افغانستان رهبرلری، مذکور طبیعی آفتلرده جبر کورگن عایلهلرگه تیزلیکده یاردم ییتکزیب بیریلیشینی سوره گنلر. ایتیلیشیچه، هنوز هم حادثهلرده قربان بولگنلرنینگ سانی انیقلنمه گن.
اوشبو تلفات سانی بوندن هم کوره کوپراق بولیشی ممکن لیگی سیزیلهدی.
