بغلان ولایتینینگ بغلان مرکزی تومنیده طالبان گروهی تامانیدن اویوشتیریلگن هجوم نتیجهسیده نظم عامه پولیسلریدن 2 تهسی هلاک و باشقه 4 تهسی یرهلنگن.
اوشبو خبرنی تصدیقلگن بغلان مرکزی تومنیده نظم عامه ادارهسینی 4- کندکی نی قومندانی محمد بابازی نینگ ایتیشیچه، بو واقعه ده طالبان گروهی نظم عامه پولیسلریدن 6 تهسینی اوزلری بیلن آلیب کیتگن.
بابازی گه کوره، بو هجوم ده 3 جنگری طالب هلاک و باشقه 6 تهسی یرهلنگن. باشقه تاماندن، سمنگان ولایتینینگ درۀ صوف پایین تومنیده محلی بیر منبع 4 پولیس هلاک ایتیلگنیدن خبر بیرهدی.
اوشبو منبع نینگ ایتیشیچه، درۀ صوف پایین تومنیده پولیس پوستهلریدن بیرینی اوستیگه طالبان تامانیدن اویوشتیریلگن هجوم ده 4 ملی و محلی پولیس هلاک و باشقه 4 تهسی یرهلنگن.
منبع گه کوره، طالبان گروهی 2 پولیس نی اوزلری بیلن آلیب کیتگن. سمنگان پولیسینی سوزلاوچیسی سیدهاشم بیان، بو خبرنی تصدیقلگن؛ بیراق پولیس عسکرلرینینگ قربانلیگی توغریسیده هیچ نرسه دیمهیدی.
بغلان و سمنگان ولایتلریده آلیب کیتیلگن عسکرلرنی قوییب یوباریش اوچون عملیات باشلنگن.
طالبان گروهی حاضرگچه اوشبو ایکی واقعه توغریسیده میدیاگه هیچ نرسه دیمهگن.
