غزنی حاکمی سوزلاوچیسی محمدعارف نوری نینگ ایتیشیچه، بوگون ایرتهلب طالبان گروهی پارتلاوچی ماده توله بولگن هاموی تانکی دن فایدهلنیب آببند تومنیده مردمی کوچلرنینگ پوستهسی اوستیگه هجوم قیلگن.
اونگه کوره، پارتلش نتیجهسیده 4 محلی پولیس هلاک و باشقه 10 تهسی یرهلنگن.
سلاموطندارگه صحبت بیرگن غزن ولایت کینگشی اورین باسری امانالله کامرانی نینگ ایتیشیچه، پارتلش نتیجهسیده 10 تینچ اهالی یرهلنگن و شونینگدیک، بیرقطار اولتیریش اویلر بوزیلگن.
اونگه کوره، آببند تومنیده طالبان گروهی نینگ حضوری خواطرلی دیر و حکومت دقت قیلمهگن صورتده، مذکور تومن طالبان گروهی نینگ قولی گه سقوط قیلیشی ممکن.
شونینگدیک، اوتگن کون آببند تومنی مرکزیده پارتلاوچی ماده توله بولگن بیر موتر پارتلهشی عاقبتیده 3 پولیس هلاک و باشقه 12 پولیس یرهلنگن ایدی.
طالبان گروهی اوشبو هجوملرنینگ مسؤولیتینی بوینیگه آلگن.
