د سرپُل د ولایتي شورا غړی اسدالله خرم سلام وطندار ته وویل، پهدې ولایت کې د پولیسو او غیرمسوول وسلهوال قوماندان ترمنځ په نښته کې د ملکیانو په ګډون له دواړو خواوو نه شاوخوا ۱۰ ملکیان وژل شويدي.
د سرپُل والي ویاند ذبیحالله اماني وايي، د غیرمسوله وسلهوالو قوماندان مولوي مهدي مجاهد دغه ولایت کې د ولسي جرګې ټاکنو ته د نوماندانو د ټاکنیزو مبارزو مخه نیسي او د ځینو هغوی ټاکنیز دفترونه یې هم تړلي دي.
د سرپل والي ویاند په وینا، د غیرمسوولو وسلهوالو قوماندان له دغه اقدام وروسته امنیتي ځواکونو ورسره نښته پیل کړې ده.
دا نښته داسې مهال رامنځته شوې چې د مولوي مهدي په نوم یو غیرمسوول وسلهوال قوماندان د سرپُل په بلخاب ولسوالۍ کې د ولسي جرګې د نوماندانو د کمپاین مخنیوی کړیو.
ښاغلي خرم سلاموطندار ته وویل چې اوس هم پهدې ولسوالۍ کې جګړه روانه ده.
د سرپُل امنیه قوماندان عبدالقیوم باقيزوی د دې خبر په تایید سره وايي چې دې غیرمسوول قوماندان ډېر امنیتي مشکلات جوړ کړي وو.
