راپورونه وايي، چې د افغانستان هلمند ولایت لښکرګاه ښار کې د کابلبانک مخې ته موټربم برید شوی او له امله يې ۳۵ کسان وژل شوي او ۵۰ نور ټپيان دي.
برید نن شاوخوا ۱۲ بجې شوی.
د دغه ولایت د امنیې قوماندانۍ یوې سرچینې د نوم نه ښودلو په شرط سلاموطندارته وویل، چې برید کې ۳۵ کسان وژل شوي او ۵۰ نور ټپيان دي.
سرچینه زیاتوي، چې برید کې ډير د دولت هغه کار کوونکو ته مرګ ژوبله اوښتې چې کابل بانک ته د خپلو تنخوا د اخیستو په موخه ورغلي وو.
د لومړنیو مالوماتو له مخې پهدغه موټر بم برید کې د دولتي کار کوونکو ترڅنګ ګڼ ملکي وګړي هم ژوبل شوي دي.
بل خوا د هملند د والي ویاند عمر ځواک سلام وطندارته وویل چې برید کې ۲۵ کسان وژل شوي او له ۵۰ ډیر ټپيان دي.
هغه وايي ټپيان يې روغتیايي مرکزونو ته لیږلي دي.
د پېښې عیني شاهدانو بیا سلاموطندار سره په خبرو کې د وژل شوو او ټپيانو شمېر له دې زیات بولي.
د افغانستان په بانکونو کې کابلبانک هغه بانک دی، چې د نورو په پرتله پرې د وسلهوالو طالبانو لهخوا زیات بریدونه کيږي.
د کابلبانک له لارې زیاترو دولتي مامورینو ته معاشونه ورکول کيږي.
