اوشبو حادثه اوتگن کون کیچ‌قورون مذکور ولایت سوزمه‌قلعه تومنی‌نینگ پل دوآبۀ منطقه‌سیده یوزبیرگن.
سلام‌وطندارگه صحبت بیرگن سوزمه‌قلعه تومنی سرپرستی وزیرمحمدنینگ ایتیشیچه، طالبان ملی پولیس قومندانلیگی‌نینگ اداری اورین باسری علی‌محمد نظری و محلی پولیس قومندانی علی‌اصغرنینگ بیرینچی‌ده باشینی کیسیب و کیین اوققه توتگن.
اونگه کوره، طالبان گروهی اوتگن کون سوزمه‌قلعه-پل دوآبه یولیده چک پاینت قوریب و مذکور کیشی‌لرنینگ اوزلری بیلن آلیب کیتگن ایکنلر.
سوزمه‌قلعه تومنی یشاوچیلریدن قطاری نینگ ایتیشیچه، اوشبو تومن نینگ ایریم بولیمی و سوزمه‌قلعه تومنی تامان باره‌دیگن یوللر طالبلرنینگ نظارتی گه قرار تاپگن و بو ییرده‌گی دولتی‌لر اولیم تهدیدی بیلن روپه‌رو دیر.
اولرنینگ آگاه‌لنتریب ایتیشیچه، دولت مذکور منطقه‌لرنینگ تازلش اوچون تیزلیککه عملیات یولگه قویمه‌گن صورتده، سوزمه‌قلعه تومنی طالبلرنینگ قولیگه سقوط قیلیشی ممکن.
عین حالده، طالبلر سوزلاوچی‌لریدن قاری یوسف احمدی بو توغریده تدقیقات باشلنگنیدن خبر بیره‌دی.
شو توغریده:
- بدخشان ولایتی‌نینگ بهارک تومنیده طالبلر بیر عیال‌نینگ باشینی کیسگن
فاریاب‌ده طالبلر بیر اوقووچی‌نینگ باشینی کیسگن
طالبلر بدخشان‌ده امنیتی کوچلردن 18 ته‌سی‌نینگ باشینی کیسگن
طالبلر، فاریاب- بادغیس قتناو یولیده اوچ پولیس‌نینگ باشینی کیسگن
