محلی بیر منبع‌نینگ کیملیگی سیر قالیشنی ایستهب سلاموطندارگه ایتیشیچه، اوچ تیک اوچر اوتکن هفته سرپل ولایتینینگ کوهستانات تومنیده طالبلرگه حربی تجهیزات توزیع قیلگن.
اوشبو منبع‌نینگ ایتیشیچه، سرپل ولایتینینگ امنیتی وضعیتی خواطرلنتروچی دیر و طالبان گروهی شهر مرکزیده هجوم قیلیش قرارینی آلگن.
سرپل حاکمینینگ سوزلاوچیسی ذبیحالله امانینینگ ایتیشیچه، بو توغریده گزارشلر قولگه کیلتیرگنلر و تحقیقات باشلنگن. او بو خبرنی رد یا-ده تصدیقلهمیدی.
نیچه پیت آلدین سرپل ولایتینینگ کوهستانات تومنی و فاریاب ولایتینینگ بلچراغ تومنی یشاوچی لرینینگ اداعا قیلیشیچه، داعش جنگرهلری طالبان گروهینینگ محلی قومندانلرینی پولگه قرشی اوشبو گروه منفعتی گه فعالیت قیلیش اوچون راضی قیلگنلر.
شونینگدیک نیچه پیت آلدین سرپل محلی رسمیلری، ایکی تیک اوچر نینگ مذکور ولایت صیاد تومنیده طالبان نظارتلریگه بولگن منطقهلرگه توشگنی دن خبر بیرگن ایدی. اولرنینگ ایتیشیچه، مذکور تیک اوچرلر طالبلرنی تجهیزلش اوچون کیلگن ایکن.
