افغانستانده خلق ارا کوچلرینینگ عمومی قوماندانی جان اف کمبل افغان ملی کوچلرینینگ قوراللی طالبلر مقابلیده بولگن عملیاتلرنی خوش قرشیلب، افغانستان ملی کوچلری سونگی اوروشلرده اوز قابلیتلرینی اثباتلهگن دیگن.
کمبل، افغان ملی کوچلری دولت قوراللی مخالفلریگه قرشی اوروش قیلیش اوچون ییترلی درجهده مهارتلرگه ایریشگنلیکلرینی ایتگن.
خلق ارا کوچلرنینگ عمومی قوماندانی جنرال کمبل بوگون افغانستان جمهور رییسی نینگ اجراییه باشلیغی داکتر عبدالله عبدالله بیلن اوچرهشیب ایریم مسالهلر اوستیده صحبت قیلگن.
کمبل، حاضرگی کونده افغان ملی کوچلری دولت قوراللی مخالفلریگه قرشی اوروش قیلیش قابلیتی گه ایگه بولگنلیکلری بارهسیده تاکیدلهگن.
شونینگدیک اولتیریشده حکومتنینگ اجراییه باشلیغی عبدالله عبدالله، افغان ملی کوچلری اوزاق مددتدن بیری جنگریلر بیلن اوروشدهلر دیگن. اونگه کوره، ملی کوچلر بو اوروشلرده ایریم یوتوقلرگه هم ایریشگنلر.
بوندن نیچه وقت آلدین بیرلشگن ملتلر تشکیلاتی افغانستانده سونگی ییللرده تینچ اهالی تلفاتی آشگن لیگی بارهسیده خواطر بیلدیرگن ایدی. اما، جاری ییلده تینچ اهالینینگ تلفات میزانی کمیگن.
جنرال کمبل، دولت قوراللی مخالفلرینی نابود قیلیش اوچون افغان ملی کوچلرینینگ حربی عملیاتی دوام تارتیشی حقیده تاکیدله گن.
سونگی وقتلرده ترقه تیلگن گزارشلرده افغانستان نینگ ایریم منطقهلری قوراللی طالبلردن تازلهنیش اوچون اوتکزیلگن حربی عملیاتلرده عصیانچیلرگه آغیر تلفات ییتکزیلگن.
