سرپل ولایتیده بیرقطار محلی منبعلر، مذکور ولایتده طالبان گروهی آرقهلی 10 دن آرتیق حربی و تعلیمی قرارگاه قوریلگنیدن خبر بیرگن.
آتلری فاش ایتیلیشینی ایستمهگن اوشبو منبعلرنینگ سلاموطندارگه ایتیشیچه، بو قرارگاهلرده طالبان گروهی جنگریلری گه حربی فعالیتلر و ماین توزهتیش خصوصیده تعلیم بیرهدی.
مذکور منبعگه کوره، طالبان گروهی نینگ حربی قرارگاهلری مسوولیتی بو گروه نینگ اوزبیکستانلیک و پاکستانلیک مصلحتچیلری بوینیگه دیر.
عینحالده، سرپل ولایتی کینگش باشلیغی محمدنور رحمانی نینگ سلاموطندارگه ایتیشیچه، حاضرده سوزمه قلعه تومنی نینگ 80% توپراغی، صیاد تومنی نینگ 138 قیشلاغی و سرپل مرکزی نینگ شیرم منطقهلری طالبان نظارتیگه دیر و بو ولایت بلخاب و گوسفندی تومنلری هم جدی امنیتی تهدیدلر بیلن روپهره بولگن.
سرپل ولایتی کینگش باشلیغیگه کوره، سانچارک تومنی نینگ 80% توپراغی طالبان قولیگه سقوط قیلگن و چیتایللیک تروریستلرنینگ رقمی هم کوپهیگن.
بو توغریده سرپل امنیتی مسووللری فکرینی آلیش اوچون سعی و حرکت قیلدیک، بیراق اولر صحبت قیلیشنی ایستمهدیلر.
سرپل حاکمی عبدالقادر آشنا نینگ بو ادعالرنی تصدیقلب ایتیشیچه، سرپل ولایتیده طالبان گروهیگه تیگیشلی 14 حربی و تعلیمی قرارگاه موجود دیر.
سرپل حاکمی نینگ ایتیشیچه، طالبان قرارگاهلرینی نابود قیلیش اوچون امنیتی کوچلر تیارگرلیک آلماقدهلر.
سرپل یشاوچیلریدن بیرقطاری نینگ طالبان فعالیتی کوپهیشیدن خواطر بیلدیریب ایتیشیچه، بو ولایتده ناتینچلیکلر کوپهیب بارماقده و بو وضعیت دوام قیلگن صورتده، انسانی فاجعه یوز بیریشی ممکن
