افغانستان قاچقینلر ایشلری بوییچه وزیرسیدحسین عالمی بلخی بوگون (شنبه) کابلده بیر خبری ییغینده اروپا مملکتلری افغانستانلیک مهاجرلرگه قالیش حجت بیریشنی سورهگن.
جناب بلخیگه کوره، اورپا مملکتلریدهگی 10 – 12 % مهاجرلرنی افغانستانلیکلر تشکیل ایتهدی شونینگ اوچون بو مملکتلر افغانستانلیکلرگه جدی اعتبار قرهتیشی ضرور.
بلخی، مملکت یاشلرینینگ کته قسمی خارج مملکتلرگه کیتیشگه یوز کیلتیرگنلیکلریدن خبر بیرگن. شونینگدیک او، ایریم رویایی مقصدلر اوچون افغانستاننی ترک قیلهدیگن یاشلرگه خطاب قیلیب ایتیشیچه، مملکتنینگ حاضرگی قیینچیلیگی تیزلیکده حل بولهدی هیچ بیر یاش هوس یوزهسیدن تشقی مملکتلرگه کیتیشنی اویلهمسلیکیلرنی سورهگن.
عین حالده، افغانستان قاچقینلر وزیری بیرلشگن ملتلر تشکیلاتینینگ قاچقینلر مسالهسی بوییچه کمیشنرلیگینینگ (اکسکام) ییغنیده اشتراک قیلیشینی ایتگن. مذکور ییغین یقینده جینوا شهریده اوتکزیلیشی کوتیلهدی. شونینگدیک ییغینده اروپا دولتلریدهگی افغانستانلیک مهاجرلرنینگ مسالهسی محاکمه ایتیلهدی.
بیرلشگن ملتلر تشکیلاتینینگ اکسکام ییغینیده بیرلشگن ملتلر تشکیلاتی عالی کمیشنرلیگینینگ نمیاندهسی(UNHCR) همده قاچقینلرنی حمایت قیلهدیگن مملکتلر نمایندهسی قتنهشیشی ایتیلهدی. مذکور ییغین جمهور رییس غنی تامانیدن آچیلیشی انابتگه آلینگن.
جناب بلخی سوزلریگه کوره، مذکور ییغینده کوپراق افغانستانلیک قاچقینلرنینگ وضعیتی اوستیده گپیریلهدی و قاچقینلرنینگ وضعیتی یخشیلهنیشی اوچون افغانستان دولتی تامانیدن طرح تکلیف ایتلیشی کوتیلهدی.
اکسکام خلق ارا ییغینی هر ییل جینوا شهریده دنیا نینگ 90 مملکتی اشتراکیده اوتکزیلهدی. بو ییغینده دنیا مهاجرلری قیینچیلیگی اوستیده صحبت ایتیلهدی. ایتلیشیچه، مذکور ییغین جاری ییل اکتوبر آیی 5- سیده باشله نیب شو آیی نینگ 9- سیده دوام تارتیشی کوتیلهدی.
حساباتلرگه کوره، یالغوز 2014- ییلده دنیا بویلب مهاجرلرنینگ فقط 44 فایزینی افغانستانلیک فقرا لر تشکیل ایتهدی و اولرنینک کوپچیلیگی ایسه یاشلردن عبارت.
