په قطر کې د طالبانو د دفتر غړی شېرمحمد عباس ستانکزی د «طالبانو بریا» او له افغانستانه د «یرغلګرو امریکايي ځواکونو د وتلو» په توګه یادوي.
نوموړي د نصر سورت په ویلو چې د «بریا» پیغام لري وویل، زموږ پلرونه سل کاله وړاندې د انګرېزانو د ماتې او دېرش کاله مخکې د روسیې د ماتې داسې شاهدان وو.
د هغه هوټل په انګړ کې چې د سولې هوکړهلیک پهکې لاسلیک شو، یوشمېر طالبانو د دې ډلې بیرغ لېږدوه.
دا په داسې حال کې ده چې زلمي خلیلزاد او ملا برادر نن د سولې هوکړهلیک لاسلیک کړ. د سولې په چارو کې د دولت وزارت د دغه هوکړهلیک له لاسلیک څو شېبې مخکې د افغان حکومت، ناټو او امریکا ګډه اعلامیه خپره کړه. په دې اعلامیه کې په افغانستان کې د امریکايي ځواکونو د کمېدلو وخت په ډاګه شوی دی.
