بوگون «شنبه» اهالی نیازلریگه جواب بیریش، صفت‌لی و اساسی شکلده ساغلیک خذمت‌لر کورسه‌تیش اوچون 17.6 میلیارد افغانی ارزشی بولگن اوچ ییل‌لیک شرطنامه امضاءلندی. اوشبو پروژه‌لر تطبیق ایتیلگن صورتده، 23 ولایتده مملکت یشاوچیلری‌نینگ 15 میلیوندن آرتیغی اینیقسه باله‌لر و آنه‌لر صفت‌لی ساغلیک خذمت‌لریدن فایده‌لنه‌دیلر.
اوشبو پروژه‌لرنی امضاءلش چاغیده ساغلیق‌نی سقلش وزیری فیروزالدین فیروزنینگ ایتیشیچه، مذکور پروژه‌لر ارزگان، بادغیس، فراه، کنر، پکتیا، پکتیکا، دایکندی، فاریاب، لغمان، لوگر، بامیان، بغلان، بلخ، میدان‌وردک، تخار، جوزجان، زابل، سمنگان، غور، قندوز، قندهار، نورستان ولایت‌لری و کابل‌نینگ برچه تومن‌لریده عمل‌گه آشیریله‌دی.
ساغلیق‌نی سقلش وزیری، خذمت کورسه‌تیش شفافیتی‌گه تأکیدلب ایتیشیچه، مذکور وزیرلیک معیارلرینی یکونلنتیرمه‌ی و شونینگدیک، خذمت‌لری قیین‌چیلیک‌که بولگن اداره‌لرنینگ شرطنامه‌لری بیکار قیلینه‌دی.
شو توغریده…
شفافیت اداره‌سی: ساغلیق‌نی سقلش وزیرلیگی ساغلیک خذمتی خصوصیده ناکام دیر
پکتیا یشاوچیلری، کسلخانه داکترلری‌نینگ ایش‌تشله‌شیدن شکایت قیلگن
باشقه تاماندن، اوشبو ییغینده خصوصی اداره‌لردن بیرقطاری‌نینگ ایتیشیچه، ساغلیک خذمت کورسه‌تیش خصوصیده بولگن قیین‌چیلیک‌لرنی کمه‌یتیریش اوچون سعی و حرکت قیله‌دیلر.
خصوصی اداره‌لردن بیرینی نماینده‌سی ذبیح‌الله نینگ ایتیشیچه، ایشلرینی شرطنامه اساسیده عمل‌گه آشیره‌دیلر.
ساغلیق‌نی سقلش وزیرلیگی رهبریتی‌نینگ ایتیشیچه، کیله‌جک هفته باشقه 8 ولایتده هم اساسی ساغلیک خذمت کورسه‌تیش خصوصیده، شرطنامه امضاءلنه‌دی.
