سرپل مدنی فعاللریدن قطاری کرونا ویروسی نینگ آلدینی آلیش اوچون ماسک ایشلب چیقارهدیگن بیر ایشخانه قوریشگن. اولرنینگ ایتیشلریچه، مذکور ایشخانه نینگ برچه ایشلاوچیلری بی پول ایشلهیدیلر و کونیگه کمیده 300 ماسک ایشلب چیقارهدیلر.
اوشبو ماسک تیکهدیگن ایشخانه مسئولی پروینه عظیمی نینگ ایتیشیچه، اولر کرونا ویروسی نینگ آلدینی آلیش اوچون بوندهی بیر ایش قیلیشگن. اونینگ ایتیشیچه، بوندهی قتیق و قیین کونلرده بیر بیراونی قولی نینگ توتیش برچه نینگ بورچی دیر.
اونگه کوره، مذکور ایشخانه کونیگه 300 ماسک ایشلب چیقارهدی و 10 عیال بی پول شکلده ماسک تیکهدیلر.
خانم عظیمی نینگ ایتیشیچه، بو ایشخانه ده ایشلب چیقاریلگن ماسکلر، مذکور ولایت نینگ قشاق یشاوچیلریگه مجانی ترقهتیلهدی.
سرپل مدنی جماعهچیلیک نهادلر ترماغی نینگ کاتبی عزتالله صمیم نینگ ایتیشیچه، مذکور ولایت یشاوچیلریدن قطاری رضا کار شکلده معلومات بیریب و میکروب نی اورتهدن ایلتهدیگن مادهلرنی بی پول شکلده اهالی نینگ اختیاری گه قویهدیلر.
افغانستان ده حاضرگچه 996 کیشی کرونا ویروسی گه چلینگن کیم بولردن 32 تهسی جان بیرگن.
