.jpg)
سلاموطندارگه صحبت بیرگن فاریاب ولایت کینگشی اعضاسی عبدالاحد ایلبیگ نینگ ایتیشیچه، فاریابنینگ 14 تومنیدن 8 تومنیده حاضرگچه آواز بیرووچیلرنینگ رویخطگه آلیش مرکز فعال بولمهگن.
اونینگ کوپهیتیریشیچه، سیلاو یولگه قوییلیشی گه حکومتنینگ علاقهسی یوق دیر و بو تومنلرده قصداً آواز بیرووچیلرنینگ رویخطگه آلیش مرکزلرنی فعال قیلمهگن.
باشقه تاماندن، فاریاب ولایتیده سیلاولر ایرکین کمیسیونینینگ ولایتی دفتری باشلیغی امانالله امان نینگ ایتیشیچه، مذکور ولایتنینگ یالغیز اوچ تومنی جملهدن دولتآباد، خواجهسبزپوش و کوهستانده آواز بیرووچیلرنینگ رویخطگه آلیش مرکز فعال بولمهگن. اونگه کوره، مذکور تومنلرده ناتینچلیک باعث، رویخطگه آلیش مرکزلر آچیلمهگن. اونینگ ایتیشیچه، امنیتی کوچلر حاضرگچه مذکور تومنلرنینگ خوفسیزلیگینی تأمین قیله آلمهگن.
عین حالده، دولتآباد تومنینینگ ولسوالی سید داود، مذکور تومنده آواز بیرووچیلرنینگ رویخطگه آلیش هیچ بیر مرکز فعال بولمهگنینی تصدیقلیدی. اونینگ کوپهیتیریشیچه، بو تومنده اوروش دوام ایتماقده و شونینگدیک، طالبلر تومن بِناسینی 200 مترلیگیده ییتیشگن، شو یوزهدن بو تومنده آواز بیرووچیلرنینگ رویخطگه آلیش مرکزلر آچیلمهگن.
بیراق، سلاموطندارگه صحبت بیرگن فاریاب پولیس قومندانلیگی سوزلاوچیسی عبدالکریم یورشنینگ ایتیشیچه، بو ولایتنینگ برچه تومنیده آواز بیرووچیلرنینگ رویخطگه آلیش مرکزلر فعال دیر و هیچ بیر امنیتی قیینچیلیک بولمهگن.
