افغانستان ملی استندرد ادارهسینینگ یقینده اوتکزگن تیکشروویده نفتی مادهلرده گی سلفر و سُرب سرطان کسلیلگیگه یولیقتیرمسلیگی انییق لنگن.
ملی استندرد ادارهسینینگ تخنیکی اورین باسری مجیبالرحمان خطیر بوگون کابلده اوتکزیلگن خبری بیر اولتیریشده ایتیشیچه، اوشبو ادارهنینگ یقینده اوتکزگن تیکشیرووی نتیجهسیده، تیل، پترول و دیزل دهگی سلفرلر سرطان کسللیگیگه باعث بولمسلیگی انیقلنگن.
جناب خطیرنینگ سوزلریگه قرهگنده، اوشبو اداره هر تامانلمه تیکشیروو اوتکزیش اوچون پترولدن 120 اورنک، و دیزلدن ایسه 121 نمونه آلیب تیکشیرتیرگن.
اوشبو تیللر کابل، هرات، نیمروز، بلخ، فاریاب، قندوز، ننگرهار و قندهار ولایتلریدن کیلتیریب تیکشیریلگنی ایتیلهدی. اوشبو نمونهلر اوستیده اوتکزیلگن تیکشیرووده دیزل تیلیده 0.5 % سلفری بولگن و بو میزان ایسه استندردگه ماس بولگن.
ملی استندرد ادارهسینینگ تخنیکی اورین باسریگه کوره، پترول تیلیده سرب موجودیتی 0.013% دیر؛ حال بوکه ولایتلردن توپلگن تیل نمومهلریده 6.67 نظرده توتیلگن.
مملکت ملی استندرد ادارهسینینگ باشلیغی نقیب الله فایقنینگ سوزلریگه کوره، تنفسی کسللیکلر شدتلشگن حالده همده هوا افلاس لیگینینگ عنصرلری هر تامانلمه اورگهنیلگن کیین بو ادارهنینگ تیکشیرووی هرتامانلمه عملگه آشیریلهدی.
جناب فایق، افغانستاننینگ ییریک ولایتلریده ایشلهتیلهدیگن پترول و دیزل تیللری اوتگن ییللرگه قرهگنده صفتی یوقاری کیتگنلیگی اوستیده تاکید ایتگن.
