زبیر حاتمی‌نینگ 20 یاشرلیگی اوتکن کون یکشنبه شام چاغی خبرچی‌لر، مدنی جماعه‌چی‌لیک فعال‌لری، یازوچی‌لر، شاعرلر، اوقووچی‌لر، عایله‌سی و دوست‌لری تامانیدن «یاد یار مهربان» عنوانی آستی‌ده نشانلندی. مراسم کابل‌نینگ دهمزه‌نگ منطقه‌سیده اویوشتیریلگن.
اوشبو مراسم‌ده، افغانستان هنر و مدنیت اویی مسؤولی یاسر ابرارنینگ ایتیشیچه، استقلال لیسه‌سی‌نینگ تالاری‌ده میترا تلویزیونی‌نینگ صورتچی‌سی زبیر حاتمی‌نینگ هلاک ایتیلیشی‌گه سبب بولگن حادثه توغری‌سیده حاضرگه قدر دولت هیچ بیر ایش قیلمه‌گن.
جناب ابرارنینگ کوپیتیریشیچه، مملکت‌ده امنیتی وضعیت ایجابی اوزگریشی اوچون یخشی اراده بولمه‌گنی باعث هرکون بیز عزیزلریمیز اولیمی‌گه گواه بوله‌میز.
اونینگ ایتیشیچه، مدنی جماعه‌چی‌لیک فعال‌لری و خبرچی‌لر تامانیدن کابل شهری ترافیک ریاستی آرقه‌سیده گی یول آتی «شهید زبیر حاتمی» نامی‌گه قوییلیشی اوچون سعی و حرکت‌لر بار، بیراق بو سعی و حرکت‌لر جمهور رییس غنی تامانیدن کوزگه توتیلمه‌گن.
خلق ارا میدیا بازار اداره‌سی نینگ باشلیغی حامد پویا، یول‌لردن بیری زبیر حاتمی نینگ آتی گه قوییلیشی‌دن حمایت قیلیب ایتیشیچه، حکومت تامانیدن خبرچی‌لرنینگ قانونی ایستک‌لریگه دقت قیلینیشی کیره‌ک.
خبرچی‌لردن باشقه بیری صابر فهیم نینگ ایتیشیچه، اوتکن ییل‌لرده هلاک بولیب و یره‌لنگن خبرچی‌لرنینگ دوسیه‌لری دولت تامانیدن جدی صورت‌ده تیکشیریلیشی لازم.
اوشبو مراسم ده بیر قطار شاعرلر حاتمی حقیده شعر اوقیب و زبیر حاتمی‌نینگ بیرقطار دوست‌لری او بیلن بولگن عسکلریدن خاطرده قالدیرگن‌لر.
میترا تلویزیونی‌نینگ صورتچی‌سی زبیر حاتمی، اوتکن ییل تیاتر صحنه‌سیدن تصویر آلیش جریانی‌ده صادر ایتیلگن انتحاری هجوم نتیجه‌سیده هلاک بولگن ایدی.
