د زابل د پوهنې رييس نصرالله زاهد وايي، د دې ولایت په خاکافغان، شملزي، اټغر او سیوري کې ـ چې له څوو کلونو راهیسې یې ټول ښوونځی تړلي وو ـ خو سږکال د خلکو په همکارۍ د دې ولسوالیو ۶۵ تړلي ښوونځي بېرته پرانیستل شويدي.
د راپورنو لهمخې، لا هم د زابل په بېلابېلو ولسوالیو کې نږدې ۳۰ ښوونځي تړلي دي.
ښاغلی زاهد زیاتوي، که څه هم په ځېنو ولسوالیو کې د دولت وسلهوالو مخالفانو د ښوونځیو له پرانیستل کېدو سره مخالفت کولو؛ خو د خلکو له تقاضا د دې لامل شوې چې يې مخه نهشي نیولی.
زابلي زدهکوونکي د ښوونځیو په پرانیستنې د خوښي ترڅنګ له چارواکیو غواړي چې نورې اسانتیاوې هم ورته برابرې کړي.
مرکز کلات کې د یوې ښوونځي دوې زده کوونکې جمیله او فوزیه وايي، کورنیو ته په کار دي چي یوازې د تړلیو ښوونځيو په پرانیستلو خوشاله نهشي، بلکې د زامنو ترڅنګ پر خپلو لوڼو هم زده کړې وکړي.
عام زابلیان هم په لېرې پرتو ولسوالیو کې له ډېرو کلونو وروسته د دومره زیاتو ښوونځیو په بیا پرانیستلو خوشاله دي او وايي، نه یوازې نرینه اولادونه بلکې لوڼې او خویندې هم ښوونځیو ته لېږي.
دوی د ښوونځیو ساتنې ټټر هم وهلی دی.
زابل ولایت به تشکیل کې ۲۵۰ ښوونځي لري.
د زابل ولایت د پوهنې رییس نصرالله زاهد وایي، دا مهال له دوی سره ۷۰ زره زدهکوونکي ثبت دي چي ۱۴ زره يې نجوني دي.
د ښاغلي زاهد په وینا، همدا سږکال د زابل له ښوونځیو ۶۶۰ کسان له دولسم ټولګي فارغ شوي چي پهدې ډله کې ۱۰۰ یې نجونې دي.
مسوولان زیاتوي، په پام کې لري چې د راتلونکي کال لهپاره ۳۹ ښوونځیو ته ودانۍ جوړې او د لوست اسانتیاوې چمتو کړي.
