زابل ولایتیده امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان گروهی زابل-قندهار قتناو یولی‌ده بولگن امنیتی بیر پوسته اوستیگه هجوم قیلیب نتیجه‌ده پولیس کوچلریدن 15 ته‌سی هلاک ایتیلگن.
اوشبو واقعه بوگون "جمعه" ایرته‌دن چاغیده، مذکور قتناو یول نینگ «جلدک» منطقه‌سیده یوز بیرگن.
منبع نینگ کوپه‌یتیریشیچه، امنیتی کوچلر و طالبان آره‌سیده یوز بیرگن آتیشمه عاقبتیده اوشبو گروه جنگریلریگه هم تلفات ییتیشگن، بیراق بیللی ارقام قولگه یوق.
ایتیلیشیچه، مذکور امنیتی کوچلر قتناو یول خوفسیزلیگی‌نی تیکشیریش اوچون بو منطقه‌ده بارگن ایکن، بیراق طالبان کمینی بیلن روپه‌ره بولگن.
منبع‌گه کوره، اوشبو واقعه‌ده امنیتی کوچلرنینگ ایکی هاموی تانگی تخریب بولگن.
زابل امنیتی مسووللری، حاضرگه‌قدر بوتوغریده فکر بیلدیرمه‌گن و طالبان گروهی هم بو هجوم خصوصیده صحبت قیلمه‌گن.
