کابل بوگون «ریکا» یا افغانستان اوچون منطقه‌یی اقتصادی همکارلیک‌لر ییغینی اوچون میزبان‌لیک قیله‌دی کیم ایریم تحلیلچی‌لر افغانستان ریکانینگ آلدینگی ییغین‌لریدن کوزگه توتیلگن درجه‌ده فایده‌له آلمه‌گن لیکلرینی ایتگن‌لر.
مذکور تحلیلچی‌لرگه کوره، حاضر افغانستان ریکانینگ آلتینچی ییغینی اوچون میزبان‌لیک قیله‌دی. آلدینگی تجربه‌لردن اقتصاد، سیاست، و امنیت اوچون یخشی فایدهله‌نیشی تاکیدلنه‌دی.
شونینگ‌دیک سیاسی تحلیلچی‌لر، مذکور ییغین‌دن یخشی فایده‌له‌نیب افغانستان‌ده اقتصادی آست‌قورمه لایحه‌لر ایجابی طرزده فایده‌له‌نیش گه اورغوله گن‌لر.
سلام‌وطندار بیلن سوزلشگن اقتصاد سابق وزیری عبدالهادی ارغندی‌وال‌گه کوره، ریکا آلتینچی ییغینی افغانستان اوچون ییریک بیر زمینه دیر افغانستان بو فرصت‌دن هر تامانلمه ایجابی منفعت آلیشی لازم
ارغندوال‌گه کوره، افغانستان حکومتی مملکت‌ده اقتصادی آست‌قورمه‌لرده سرمایه یاتقزیلیشی اوچون دنیا جماعه‌چی‌لیگی همده یاردم بیره دیگن مملکت‌لردن درست ایش آلینشی خصوصده تاکیدله‌گن.
اقتصادی متخصص قیس محمدی‌گه نینگ سوزلریگه کوره، افغانستان ریکانینگ آلدینگی اولتیریش‌لریده یاردم بیره دیگن مملکت‌لرگه بیرگن وعده‌سی توغریسیده عمل قیله آلمه‌گن.
شونینگ‌دیک جناب محمدی، افغانستان ریکانینگ سابق ییغین‌لریده اساسی شکل‌ده فایده‌له‌نیب یره‌تیلگن فرصت قول‌دن بیریلمس‌لیگینی بیلدیرگن. اونگه کوره، ریکانینگ آلدینگی ییغین‌لرده کوپینچه چیکلنگن مورد اوستیده بحث ایتیلگن. اما حاضرگی ییغین‌ده افغانستان ینگی فرصت‌لر یره‌تلیشی اوچون سعی وحرکت قیلیشی لازم چونکه پاکستان هیچ بیر زمان بیرگن وعده لریگه عمل قیلمه‌گن.
محمدی، افغانستان حکومتی‌نینگ مذکور ییغین‌ده کوپراق تاکیدی چابهار بندری اوستیده بولیشی لازم، زیرا بو بندر افغانستان‌نی 1.2 میلیون نفوسی بولگن هند بازاری بیلن باغلیدی.
تحلیلچی‌لر سوزلریگه قره‌گن‌ده، افغانستان ایران چابهاریدن فایده له‌نیشی اوچون کوپراق تمرکز قلیشی ضرور.
چابهار بندری ایران نینگ سیستان جنوبی‌ده‌گی آقیانوس دینگیزیده جایلشگن و مذکور بندردن فایده‌له‌نیش افغانستان اوچون پاکستاندن کوره منفعتلی بندر سنه‌له‌دی.
جناب کرزی‌گه کوره، بوگونکه ییغین‌ده اشتراک قیلگن‌لر طبیعی منبع‌لر، انرژی، منطقه‌یی اتصال و تجارت رواجله‌نیشی همده سرمایه یاتقیزیش خصوصی‌ده تاکیدله‌گنلر.
شونینگ‌دیک جناب کرزی، ییغین‌ده قتنشه‌دیگن مملکت‌لر بیره‌دیگن وعده‌لریگه یوز ده یوز عمل قیلیش‌لر توغریسیده امید بیلدیرگن.
افغانستان تشقی ایشلر وزیرلیگی بوندن آلدین ریکانینگ آلتینچی ییغینی‌ده بیش تامانلمه هده تیمیر یولی‌گه عاید اوچ تامانلمه و چابهار بندری اوستیده بحث ایتیلیشی‌نی بیلدیرگن ایدی.
مذکور ایکی کونلیک ییغین‌ده اوتیز مملکت‌نینگ نماینده‌سی قوشیمچه خلق ارا تشکیلات‌لرنینگ 40 دن آرتیق وکیلی اشتراک قیلگن.
ریکانینگ بیرینچی ییغینی 2005- ییل کابل‌ده اوتکزیلگن ایدی و سونگ 2006، 2009، 2011 و 2013- ییل‌لرده ترتیب اساسیده ینگی دهلی، اسلام آباد، استانبول و دوشنبه ده اوتکزیلگن ایدی.
