عاموی اخبارات واسطهلرینی حمایت قیلیووچی ایریم ادارهلر افغانستان بولیب خبرچیلرگه قرشی زوروانلیک میزانی آشگنلیگی بارهسیده تشویش بیلدیرگنلر. مذکر ادارهلرگه گه کوره، قوراللی طالبلر سونگی وقتلرده ایریم رادیو و تلویزیونلرنی تهدید قیلگنلر.
افغانستانده چیگره بیلمس خبرچیلر ادارهسینینگ مسؤولی رضا معینینینگ بوگون (یکشنبه) اوشبو اداره تامانیدن « رسانهلر خوفسیزلیک ییغینی و رسانهلر بولیمیده افغانستانینگ خلق ارا اورنی» عنوانی آستیده اوتکزیلگن ییغینده طالبلرنی آگاهلنتیریب مذکور تهدیدلر دوام ایتگن حالده، بو حرکتنینگ خارجدهگی نمایندهلری اینیقسه قطردهگی نمایندهلری جوابسیز قالمس دیگن.
شونینگدیک جناب معینیگه کوره، چیگره بیلمس خبرچیلر تشکیلاتی تامانیدن اوتکزیلگن جهانی حساباتده افغانستان میلادی 2015-ییلده 128 اوریندن 122- اورنگه چیققن.
چیگره بیلمس خبرچیلر تشکیلاتی هر ییلی دنیا نینگ 180 مملکتیده سوز ایرکین لیگینی تیکشیرهدی. اوشبو تشکیلات بوندن 30 ییل آلدین انسان حق حقوقلرینینگ 19- اعلامیه سیگه موافق سوز ایرکینلیگی و معلومات ییتکزیشدن حمایت قیلیش اوچون فرانسهده ایجاد ایتیلن.
باشقه تاماندن خبرچیلر مصونیت کمیتهسینینگ مسؤولی نجیبالله شریفیگه کوره، مذکور ادارهنینگ قولگه کیریتگن گزارشلریده 2015- ییل بیرینچی آلتی آییده 72 % رسانهلر و خبرچیلر تهدید بولگنلر و بو ایسه حکومت و دولت بلند مرتبهلی رسمیلری تامانیدن عملی بولگن. مذکور تهدیدلر سبب عاموی اخبارات واسطهلری همده دولت اورتهسیده فاصله ایجاد بولیشیگه سبب بولگن دیگن.
عین حالده، افغانستان جمهور رییسی سوزلاووچیسینینگ اورین باسری سیدظفر هاشمی عاموی اخبارات واسطهلری خوفسیزلیگی اوچون مخصوص لایحه قولگه آلینگنیدن خبر بیرگن. جناب هاشمیگه کوره، رسانهلر و سوز ایرکینلیگی افغانستان حکومتینینگ قولگه کیریتگن اساسی یوتوقلریدن سنهلهدی.
اوتگن 14ییل دوامیده افغانستان بولیب عاموی اخبارات واسطهلری کوتیلمهگن درجهده رواجلندی. ایریم رسانهچیلرگه کوره، افغانستانده عاموی اخبارات واسطهلری رواجلنگنلیگی منطقهده تینگی بولمهگن بیر مثال دیر. اما، عاموی اخبارات واسطهلری ترورچی گروهلر، حکومت رسمیلری و زوروان شخصلر تامانیدن جدی تهدید ایتیلیشی بو ساحهده بولگن ییریک قیینچیلیکلردن سنلهدی.
