د ولسي جرګې او روښنايي غورځنګ غړي جعفر مهدوي د دوشنبې ورځ د " د روښنايي غورڅنګ او په افغانستان کې د مدني فعالیتونه لرلید" په نوم غونډې ته وویل، چې دغه خوځښت د خپل فعالیت له پیل راهیسې د حکومت ټولو استبدادي کړنو پر وړاندې مدني خوځښتونه کړي دي.
د مهدوي پروینا، که له ترکمنستانه افغانستان ته د ۵۰۰ کیلو ولته بريښنا لیږد مزی له بامیانو تیر نه شي له هیڅ بلې لارې نه شي تیریدلی.
د روښنايي غورځنګ دغه غړي حکومت ته خبرداری ورکړ، چې که حکومت پر خپل دریځ همدغه شان ټینګ ولاړ پاتې شي او دده پروینا له پرلهپسې تبعیض لاس وا نهخلي د حکومت اداره به د هغو کسانو لاس ته ورشي، چې پر مدني ارزښتونو باور نه لري او نسکور به يې کړي.
د ملي امنیت پخواني سلاکار رنګین دادفر سپنتا هم د روښنايي غورځنګ د افغانستان نوې دموکراسي زیږنده بولي او وايي، چې د لاریون کوونکو امنیت خوندیتوب کې هیڅ ډول ناغیړي د منلو نه ده.
د سپنتا پروینا، چې د تیرو کلونو په پرتله اوس مهال ټولنیزدرزونه زیات شوي او په نړیوال سیاست کې د افغانستان سیاسي وفاق په اړه واحد لید لوری ه شته.
په دې اړه مو هڅه وکړه، چې د حکومتي مسوولینو نظر هم ولرو، خو له بیابیا اړیکو سره بریالي نه شولو.
وروسته له هغه، چې له ترکمنستانه افغانستان ته د سالنګ له لارې د ۵۰۰ کیلو ولته بريښنا مزي لیږد په اړه حکومت خپله پریکړه اعلان کړه هزاره توکمو یې مخالفت وکړ او ویې غوښتل، چې دغه مزی دې د بامیانو او میدان وردګو له لارې کابل ته وغځول شي. دوی په دې اړه لاریونونه هم وکړل او یو خوځښت یې هم رامنځته کړه، چې وروسته یې دغه خوځښت ته د "روښنايي" نوم غوره کړ.
دغو کسانو د روان کال د زمري پردویمه د کابل په دهمزنګ سیمه کې پراخ لاریون وکړ، چې د ځان مرګي برید ښکار او له ۸۰ ډیر کسان په کې ووژل شول.
