د عامې روغتیا وزارت وايي، په تېرو ۲۴ ساعتونو کې ۴۹۲ نور کسان هم په کورونا ویروس اخته شوي او له دې سره په ټول هېواد کې پر کورونا ويروس د اخته کسانو شمېر ۸۱۴۵ ته پورته شو.
د ياد وزارت د شمېرو له مخې د ۴۹۲ تازه اخته شويو کسانو له ډلې ۲۶۲ کابل، ۱۰ ننګرهار، ۳۳ په بلخ، ۵۹ هرات، ۱۰ پکتيا، ۷ کونړ، ۲۸ تخار، ۹ پنجشېر، ۳۰ بغلان، ۱۴ جوزجان، ۶ لوګر، ۵ کاپيسا، ۴فراه، ۴ سرپل، ۲ غزني او ۹ پېښې هم پروان کې ثبت شوې دي.
د عامې روغتیا وزارت د معلوماتو له مخې، په تېره یوه شپه او ورځ کې د کورونا ويروس له کبله ۱۰کسان مړه شوي او ۸۰ نور بېرته روغ شوي دي چې له دې سره په ټول هېواد کې د مړو شويو شمېر ۱۸۸ او د روغو شويو شمېر ۹۳۰ کسانو ته رسېږي.
روغتیا وزارت یو ځل بیا خبرداری ورکړی چې خلک د روغتیايي سپارښتنې په پام کې ونیسي که نه نو روغتونونه او روغتیاپالان به یې په درملنه کې پاتې راشي.
