یوه باوري امنیتي سرچینې د نوم نه ښودلو په شرط نن سلاموطندار ته ویلي چې د ګېزاب ولسوالي په کنډوګک سیمه کې د دوو امنیتي پوستو پولیسو بېګاه غوښتل چې د طالبانو له کلابندۍ ځانونه وژغوري او د دغې ولسوالي امنیې قومانداني ته ولاړ شي، خو پر لارې د طالبانو له کمین سره مخ شوي دي.
سرچینه وايي، د وسلهوالو په دغه کمین کې ۲۳ پولیس وژل شوي، ۸ يې ژوندي نيولي او څلور نور امنیې قومانداني ته روغ رسېدلي دي.
یاد پولیس له تېري یوې اوونۍ راهیسي کلابند وو.
وسلهوالو طالبانو او د روزګان د والي ویاند تر اوسه په دې اړه څه نه دي ویلي.
دا په داسې حال کې ده چې د دولت او طالب ډلې مرکچیان په قطر کې د سولې پر خبرواترو بوخت دي، خو د دغو خبرو له پیل سره هممهاله په هېواد کې تاوتریخوالی زیات شوی دی.
