د بدخشان امنیتي مسوولان وايي، په دغه ولایت کې د ملکیانو پر موټر د طالبانو په ډزو کې د یوې کورنۍ پنځه غړي وژل شوي دي.
دا پېښه نن سهار څلور بجې د بدخشان په درایم ولسوالي کې شوې ده.
د بدخشان د پولیسو ویاند ثناالله روحاني وايي، د وژل شویو کسانو کې دوه ماشومان هم شامل دي او یو بل کس پهکې ټپي شوی دی.
د نوموړي په وینا، دا پېښه هغه مهال شوې چې د درایم ولسوالي د پتاوک سیمې یوه اوسېدونکي غوښتل ماشومان ښوونځي ته بوځي او طالبانو د لارې په اوږدو کې پرې ډزې کړې دي.
طالبانو تر اوسه په دې اړه څه نه دي ویلي.
