د مالیې وزارت چارواکي وایي، د ۱۳۹۸ مالي کال لهپاره ټولټال ۳۹۹ میلیارده افغانۍ بودیجه په پام کې نیول شوې چې ۲۷۵ میلیارده یې عادي او ۱۲۴میلیارده یې هم پراختیایي ده.
د چارواکو وینا، پهدې کې ۶۱ میلیارده اختیاري او ۶۳ میلیارده نوره غیراختیاري بودیجه ده.
د مالیې وزارت د عوایدو او ګمرکونو مرستیال عبدالله رقیبي نن دغه بودیجه ولسي جرګې ته ور وپېژندله.
رقیبي زیاتوي، د ۹۸ کال بودیجې کې امنیت، زېربناوو، پوهنې، ښې حکومتولۍ، کرنې او د کلیو پراختیا ته لومړیتوب ورکړل شوی چې په ترتیب ورته ۴۱، ۱۳، ۹ او ۸ سلنه بودیجه ځانګړې شوې ده.
د مالیې وزارت د عوایدو او ګمرکونو معین عبدالله رقیبي زیاتوي، د راتلونکي مالي کال په بودیجې کې سترې پروژې؛ لکه د برېښنا لېږد، د کلیوالي سړکونو او دولتي ودانیو بیارغول، د دارالامان د ودانیو جوړول، د اسانخدمت پروژه، په کابل کې د ټرانسپورټ سېسټم پراختیا او سمون، د مالوماتي ټکنالوجۍ براختیا او د اوبو لګولو سېسټم رغول په پام کې نیول شوي دي.
عبدالله رقیبي وایي، حکومت هڅه کوي چې د اغیزمنې پانګونې او خصوصي سکتور پیاوړتیا له لارې کورني عواید زیات کړي.
د ۹۸ مالي کال په بودیجې کې د کورنیو عوایدو ۱۸۸ میلیارده زیاتوالی وړاندیز شوی چې د ملي بودیجې شاوخوا ۴۷ سلنه تمویلوي.
د مالیې وزارت چارواکي وایي، د ۱۳۹۸ مالي کال بودیجه یې له نړېوالو معیارونو سره سمه چمتو کړې چې احتمالي ګواښونه هم پهکې په پام کې نیول شوي دي.
ولسي جرګې د ۱۳۹۷ مالي کال ملي بودیجه تصویب کړه
ولسي جرګې د امتیازاتو لهپاره ملي بودیجه یرغمل کړېده
روڼتیا څار بنسټ: وکیلان په ملي بودیجه کې شخصي ګټې لټوي
ولسي جرګې د ۱۳۹۵ز کال ملي مالي بودیجه تصویب کړه
د قانون له مخې، ولسي جرګې ته د بودیجې له ورپېژندلو وروسته، یاده بودیجه په اړوندو کمېسیونونو کې ارزول کېږي او بیا د ولسي جرګې عمومي غونډې ته د تصویب په موخه وړاندې کېږي.
