داطلاعات او کلتور وزارت وایي، د مشهور افغان انځورګر نجیب الله مسافر د دوسیې د څېړلو په موخه یې یو پلاوی ګمارلی دی.
د یاد وزارت سرپرست مصدق خلیلي سلام وطندار ته ویلي، ګمارل شوي پلاوي ته د نده سپارل شوې، چې د مسافر د زنداني کیدو حکم څېړنه وکړي.
خلیلي وایي، نجیب الله مسافر داسې تېر وتنه نه ده کړې، چې نوموړی دې د څرخي پله زندان ته یوړل شي.
څه وخت وړاندې په کابل کې یوې محکمې نجیب الله مسافر په شپږ میاشتې بند محکوم کړ؛ د مسافر د محکومیت دلیل په ۱۳۸۵ لمریز کال کې د دپوځي رسم ګذشت په درشل کې د یوې نجلۍ انځور اخیستنه ښودل کيږي.
انځور دغه انځور بیا په یوه پروډکشن پلورلی و.
مسافر تېره اوونۍ د چهار شنبې په ورځ د کب په ۶مه د ورکړل شوي بند د تېرېدو له پاره د څرخي پله زندان ته ېوړل شو.
په دې لانجمن انځور کې دوه جونو د باسکیټ بال توپ لوګو له ځانه سره لیږدوله .
ورسته له هغې، چې مسافر د ۲ جینکيو انځور په یو پروډکشن وپلوره، د باسکیټ بال د لوګو پر ځای یې د اتصالاتو د مخابراتي شرکت لوګو پرې ځای پرځای کړه.
وروسته له ۷ کلونو د جینکيو کورنۍ شکایت کوي او په پایله کې یاده کیسه عدلي، قضایې ارګانونو ته ځي او نجیب الله مسافر ته د شپږ میاشتو سزا اورل کيږي.
رضا یمک د (چشم سوم) د انځوریز ژور نالیزم د مرکز مدیر سلام وطندارته ویلي، چې نوموړي دغه انځور په یو پروډکشن پلورلی ، هغه پروډکشن په دې انځور کې لاس وهنه کړې او د اتصالاتو په مخابراتي شرکت یې خرڅ کړی دی.
د یمک په وینا د دې انځور په بدلولو سره دغې جینۍ په ۱۳۸۸ کال کې شکایت وکړ او مسافر د شکایت له کبله۲۰۰۰۰ افغانۍ جریمه پرېکړه.
یمک وایي، هغه پروډکشن چې انځور یې بدله کړی دی باید تر پلټنو لاندې ونیول شي.
صدیق الله توحیدي د ازادو رسنیو د څار رییس هم د مسافر د محکمي پرېکړه ناعادلانه بللې.
توحیدي سلام وطندار ته په خبرو کې وویل، باید پروډکشن د عدلي او قضایي ارګانونو تعقیب لاندې ونیول او زنداني شي.
دنوموړي زندانې کیدلو د ټولنیزو رسنیو ګڼ شمیر کاره ونکوغبرګونونه را وپارول.
وتلی انځور ګر مسعود حسیني وایي، د نجیب الله مسافر بندي کول په هېواد کې د هنر د بې ارزښتۍ په معنا ده.
د اطلاعاتو او کلتور وزارت باید د داسې محکومیت په وړاندې ودریږي.
یو بل افغان انځور ګر محسن حسیني، چې داسې حکمونه ناعادلانه بولي او د رسنیو دتخطی له کمیسون غوښتنه کوي، چې د یادې دوسیې بیا پلټنه دې وشي.
د مسافر په زنداني کیدو سره په هېواد کې د هنري فعالیتونو کاریګر اندېښنه په ډاګه کوي او زیاتوي، داجمل مسافر محکمه د خبریالانو او هنرمندانو پر وړاندې د سانسور د دورې پېل دی.
