څو شېبې وړاندې د کابل د کارته چهار سیمې په شېرشاه سوري جومات کې چاودنه وشوه.
کورنیو چارو وزارت هم پېښه تاییدوي او وايي، چاودېدونکي توکي د جومات په دننه کې ځای پر ځای شوي وو.
د کورنیو چارو وزارت ویاند طارق ارین وايي چې په پېښه کې د جومات ملا امام مولوي عزیزالله مفلح او درې نور کسان وژل شوي او یوشمېر ټپیان دي.
ارین وايي، دا برید هم د تېرو هغو په دوام د هېواد د دښمنانو له لوري شوی چې له کبله یې د اوښتې مرګژوبلې بشپړ جزیات به وروسته خپاره کړي.
دا په داسې حال کې ده چې څو ورځې وړاندې د کابل په وزیر محمداکبر خان جومات کې هم چاودنه وشوه چې له کبله یې د څو نورو کسانو په ګډون، د یاد جومات ملا امام مولوي ایاز نیازی هم ووژل شو.
وسلهوالو طالبانو په یاد برید کې لاس لرل رد کړي و، خو داعش ډلې یې بیا پړه پر غاړه اخیستې وه.
دا خبر بشپړېږي…
