نن سهار د (اګست په۱۱مه) د غزني ولایت جاغوري ولسوالۍ د ۴ تنو اوسېدونکو جسدونه د غزني په اسفند دښتې وموندل شول.
د غزني ولایت د والي مرستیال محمد علي احمدي وویل، چې دغه ۴ تنه مسافرین پرون ورځ د خوګیانیو ولسوالۍ په اړوند سیمه کې د طالبانو له خوا نیول شوي او وژل شوي وو.
احمدي زیاته کړه، چې د وژل شوو کسان په ډله کې یو انجینیر او ۳ تنه یې عادي کارګران وو.
د غزني د ملکي روغتون رييس باز محمد همت سلام وطندار ته وویل، چې روغتون ته د ۴ تنو جسدونه ور وړل شوي دي.
د غزني ولایتي شوار غړي حسن رضا یوسفي سلام وطندار ته د ټیلفون له لارې پېښه تایید کړه.
په داسې حال کې چې د غزني ولایتی اداره دغه پېښه طالبانو د طالبانو کار ګڼي، خو د پېښې ډلې تر اوسه په دې اړه رسنیو ته څه نه دي ویلي.
