کورنیو چارو وزارت وايي، د کابل ښار په دشت برچي سیمه کې پر یوه روغتون برید د ۳ بریدګرو په وژل کېدو پای ته ورسېده.
دغه وزارت په یوه خپره کړې خبرپاڼه کې لیکلي، افغان ځواکونو له سلو نه ډېر ملکیان ژغورلي دي.
وسلهوالو نن سهار شاوخوا لس بجې د کابل ښار په دشت برچي سیمه کې پر یوه ملکي روغتون چاودنه وکړه او د عیني شاهدانو په وینا، وسلهوال روغتون ته ننوتل.
عبدالله عبدالله یاد برید غندلی او هغه یې د خلکو پر وړاندې ستر جنایت بللی دی.
دغه برید پر ټولنیزو رسنیو هم د خلکو پراخ غبرګونونه راپارولي او هغه یې یو نه بښونکی کار بللی دی.
دا په داسې حال کې ده چې نن سهار په ننګرهار کې د یوې جنازې پر مهال هم چاودنه وشوه چې له کبله یې ۲۴ کسان ووژل شول شول او ۶۸ نور ټپیان شول.
