د کابل د قرهباغ ولسوالي مسوولان د کابلـپروان لویې لارې د تړل کېدو خبر ورکوي.
د قرهباغ ولسوال خواجهمحمدحنیف صدیقي وايي، د حکومت مرکزي ادارې په لارښوونه د کورونا ویروس د خپرېدو مخنیوي په موخه یاده لاره د شمالي ولایتونو او کابل تر منځ د خلکو د تګراتګ مخنیوي لپاره تړل شوې ده.
د نوموړي په وینا، د ناروغانو لېږدوونکيو او باروړونکيو موټرو او دغه راز د امنیتي ځواکونو د تګراتګ لپاره پرانېستې ده او په وینا یې، نورو موټرو ته به اجازه ور نه کړي.
صدیقي د پروان پر محلي او امنیتي مسوولانو تور پورې کوي چې د حکومت مرکزي ادارې لارښوونې نه عملي کوي. موږ وغوښتل چې په دې اړه د پروان ولایت د محلي مسوولانو او ټرافیکو مدیریت نظر هم واخلو، خو هغوی په دې اړه خبرو کولو ته حاضر نه شول.
د کابلـپروان لویه لار له لسو ډېر شمالي ولایتونه له سوېل او پلازمېنې کابل سره تړلي. تراوسه روښانه نه ده چې یاده لویه لار به تر څه وخته پورې تړلې وي.
