د سولې مشورتي جرګې کمېسیون او د سولې عالي شورا د دارالانشا رییس محمدعمر داوودزي نن په کابل کې یوې خبري غونډې ته وویل، هغو ولایتونو ته چې د سولې په مشورتي جرګه کې یې ښځینهوو ته ۳۰٪ ونډه نه وي ورکړې، نه یوازې د استازیو سندونه یې نه منل کېږي، بلکې سزا به هم ورکړل شي.
د نوموړي په وینا، د سولې په مشورتي جرګه کې به شاوخوا ۳ زره کسان ګډون وکړي، خو داوودزي د سولې مشورتي لویې جرګې جوړولو د مجازاتو بڼې په اړه څه و نه ویل.
بلهخوا ټاکل شوې وه نن له طالبانو سره د خبرو اترو لپاره د سولې مرکچي پلاوي استازي هم د مصالحې رهبرۍ شورا له لوري وټاکل شي، خو د سولې عالي شورا د دارالانشا رییس وايي، د شورا د کاري کمېټو نه بشپړېدو له امله دا غونډه ځنډول شوې ده.
اړوند مطالب:
طالبان د سولې په مشورتي لویې جرګې کې ګډون نهکوي
تخار؛ د سولې مشورتي جرګې لپاره د ټاکنو لړۍ ګډهوډه شوه
د سولې مشورتي لویه جرګه د راتلونکي کال د غوايي پر ۹مه جوړېږي
د داوودزي په خبره، د مصالحې رهبري شورا ۵ کاري کمېټې لري چې یوه یې د اجراییه رییس عبدالله عبدالله په مشرۍ جوړه شوې ده .
داوودزی زیاتوي، له طالبان سره د سولې خبرو اترو مرکچي پلاوي پر ترکیب تراوسه هوکړه نه ده شوې.
د سولې مشورتي لویې جرګې او له طالبانو سره د سولې خبرو پلاوي ترکیب په اړه داسې مهال هڅې روانې دي چې طالبانو پرون د الفتح په نوم د خپلو پسرلنيو جنګي عملیاتو د پیل اعلان وکړ.
