طالبان گروهی نینگ سوزلاوچیلریدن بیری ذبیحالله مجاهد، ینگی بیر توییتده، مذکور گروه نینگ 3 کیشیلیک تخنیکی هیأتی محبوسلرنی انتقال بیریش اوچون کابل گه ییتیشگنیدن خبر بیرگن.
اونگه کوره، بو هیأت «محبوسلرنینگ قوییب یوباریش جریانینی تیکشیرهدی و تخنیکی بولیمده کیرهکلی ایشلرنی عملگه آشیرهدی.»
شونینگدیک، اوتگن کون ملی خوفسیزلیک کینگشی نینگ دفتری، دولت گه عاید تینچلیک علاقهسی بوییچه بیرینچی گروه و طالبان نینگ سیاسی اعضالری و محبوسلر کمیسیونی نینگ مسؤوللری آرهسیده «یکشنبه کون، 10- حمل» اوتکزیلگن اوچینچی ویدیو کنفرانس دن خبر بیرگن ایدی.
ملی خوفسیزلیک کینگشی نینگ دفتری تامانیدن نشر قیلینگن خبرنامهده کیلیشیچه، طالبان گروهی خلق ارا قیزیل حاچ تشکیلاتی نینگ حمایهسی کابل گه بیر هیأت یوباریش گه قرار قیلگن. اوشبو خبرنامه اساسیده، دولت طالبان نینگ بو هیأتینی بگرام ده میزبانلیک قیلهدی و محبوسلرنینگ قوییب یوباریش جریانینی دوام بیرهدی.
شونینگدیک، ایکی تامان نینگ کیلیشووی اساسیده، طالبان نینگ هیأتی افغانستان گه کیلگنیدن سونگ، کوپینچه بحثلر یوزمه یوز و تخنیکی شکلده عملگه آشیریلهدی.
بوندن آلدین، طالبان گروهی نینگ کابل گه سفر قیلهدیگن هیأتی نینگ 10 اعضاسی بارلیگی و بو هیأت مولوی ضیاالدین تامانیدن ییتکچیلیک قیلینیشی ایتیلگن ایدی.
ملی خوفسیزلیک کینگشی نینگ خبرنامهسیده طالبان گروهی نینگ هیأتی قچان کابل گه سفر قیلیشی توغریسیده بیلگی بیریلمهگن ایدی.
افغانستان حکومتی بیرینچی باسقیچ ده طالبان نینگ 100 محبوسی قماقخانهلردن قوییب یوباریلیشینی بیلدیرگن. حکومت نینگ ایتیشیچه، بو محبوسلر تیزیم شکلده و ضمانت اساسیده، قوییب یوباریلهدی.
