د افغانستان د ټاکنو روڼتیا څار بنسټ نن په کابل کې یوې خبري غونډې ته وویل چې د بودیجې نشتوالي، مسلکي کارکوونکیو نه ګومارنې او د ټاکنیزو شکایتونو له کمېسیونه د حکومت او بنسټونو نه ملاتړ ستونزې سبب شوې چې دغه کمېسیون پر خپل وخت کار ونهکړي او خلک هم پر رڼو او ټاکلې مودې ټاکنو بې باوره شي.
د افغانستان د ټاکنو روڼتیا څار بنسټ غړي حبیبالله شینواري غونډې ته وویل د ټاکنیزو شکایتونو کمېسیون د بودیجې له کموالي سره مخ دی او تراوسه د دغه کمېسیون اجراییوي بودیجه د حکومت لهخوا نه دهورکړل شوې.
ښاغلی شینواري باوری دی چې د ټاکنو خپلواک کمېسیون او د ټاکنیزو شکایتونو کمېسیون ترمنځ نه همغږي، د ټاکنیزو شکایتونو سره د ټاکنو مهالوېش نه چمتوکول، په انډولیزه توګه د ټاکنیزو مرکزونو په جوړولو کې د سلامشورو نهشتوالی او څو نورو موارد ښيې چې د دغو دواړو کمېسیونونو ترمنځ اړیکې سړې او پیکه شوې چې دغه مسله به پر راروانو ټاکنو منفي اغېز وکړي.
ښاغلي شینواري زیاته کړه د ټاکنیزو شکایتونو د دارالانشا ریاست لهپاره د ورپېژندل شویو کسانو نامعلوم برخلیک او د اداري سمون او ملکي خدمتونو کمېسیون کمکاري نورې هغه ستونزې دي چې د ټاکنیزو شکایتونو کمېسیون کار يې ټکنی کړی دی.
خو د ټاکنیزو شکایتونو کمېسیون غړی او ویاند عليرضا روحاني دغه څرګندونې رد او وايي چې کمېسیون د بودیجې په برخه کې هېڅ ستونزه نهلري او د کمېسیون تش بستونه هم ډک شوي دي.
له دې ټولو سره سره د افغانستان د ټاکنو ړونتیا څار بنسټ د ټاکنیزو شکایتونو له کمېسیونه غواړي چې د ولسي جرګې ټاکنو لهپاره د نوماندانو څېړنې کړنلاره او د نوماندانو شتمنۍ له رسنیو او ولس سره شریکه کړي.
