د ناټو عمومي منشي ینس ستولتنبرګ وايي، طالبانو سره د افغان حکومت د اوربند اعلان ملاتړي دي.
ینس ستولتنبرګ د ناټو دفاع وزیرانو غونډې له پیل مخکې په یوې خبري غونډه کې وویل، د افغانستان امنیتي حالت اندېښمنونکی دی، خو دغه سازمان له افغانستانه خپل ملاتړ ته دوام ورکوي.
د ناټو عمومي منشي دغه راز له طالبانو وغوښتل چې له افغان حکومت سره دې اوربندي اعلان کړي. هغه له دې ډلې غواړي چې د خپلو غوښتونو ته د رسېدو لهپاره دې له سیاسي لارو چارو کار واخلي.
افغان ولسمشر محمداشرف غني نن ورځ (پنج شنبې) د روژې میاشتې له ۲۷مې د کوچني اختر تر ۵مې نېټې پورې اوربند اعلان کړ.
ولسمشر غني نن پنچشنبې ټولو امنیتي او دفاعي ځواکونو ته هدایت وکړ چې د افغان وسلهوالو طالبانو پر وړاندې خپل ټول یرغلیز عملیات ودروي؛ خو په ورته وخت کې یې وویل چې د القاعده، داعش او نورو نړۍوالو ترهګریزو ډلو پر وړاندې دې خپلو عملیاتو ته دوام ورکړي.
په دې اړه لاندې سرلیکونو کې ولولئ
