د ټاکنو خپلواک کمېسیون چارواکي د را روانو ولسي جرګې ټاکنو ځنډېدو په تړاو خپاره شوي راپورونه بېاساسه بولي.
د ټاکنو خپلواک کمېسیون کمېشنر او ویاند سیدحفیظالله هاشمي نن کابل کې یوې خبري غونډې ته وویل، د ولسي جرګې ټاکنو ځنډېدو په اړه خپاره شوي راپورونه او ګنګوسې بېبنسټه دي او دغه کمېسیون د ټاکنو ترسره کولو لهپاره پوره چمتووالی لري.
د ښاغلي هاشمي په وینا، د ټاکنو خپلواک کمېسیون شپه او ورځ کار کوي چې ټاکنې په شفافه توګه او په خپل ټاکل شوي وخت (د میزان په ۲۸مه نېټه) وشي.
ښاغلی هاشمي وايي، کوم کسان ـ چې د ټاکنو ځنډولو ګنګوسې خپروي ـ غواړي په دغسې ناوړه تبلیغاتو سره په ټاکنو د خلکو باور کم کړي او دا ملي پروسه نومبدې کړي.
د ټاکنو خپلواک کمېسیون چارواکي همدارنګه وايي، د هېواد ۳۳ ولایتونو ته د ټاکنو اړوند ټول حساس او غیرحساس توکي رسېدلي او د تلې تر ۲۷ نېټې یا جمعې تر ورځې به د بایومتریک لهپاره د روزنې چارې هم بشپړې او ټولو محلونو ته به ټاکنیز مواد ورسول شي.
