د ولسي جرګې یو غړي نن (دوشنبې) په عمومي غونډه کې وویل، چې د دې جرګې ځينې وکیلان د ساتونکو په نوم خیالي پولیس لري.
په ولسي جرګه کې د وردګو د خلکو استازي غلام حسین ناصري یو لیست خپور کړ، چې له مخې یې د هغو شمېر وکیلانو نومونه په ډاکه کړل، چې د خیالي پولیسو تشکیل لري.
ده وویل، چې دغه شمېر وکیلان د پولیسو خیالي تشکیلاتو امتیازات په نوم زیات امتیازات خپلو شخصي جیبونو کې اچوي.
ناصري د هغو وکیلانو نومونه اعلان کړل، چې له ۳۰ پولیسو نه نیولې تر ۱ پولیس پورې خیالي تشکیلات لري او معاش یې اخلي.
د ولسي جرګې وکیل خیالي پولیس
ملا تره خېل ۳۰ نفره
ملا عزت ۲۳ نفره
احمد شاه رمضان ۷ نفر
حبیبه دانش ۷ نفره
شریفي بلخابي ۷ نفره
میربت خان منګل ۶ نفره
محمد فرهاد صدیقي ۵ نفره
صفورا ایلخاني ۵ نفره
صیفوره نیازۍ ۵ نفره
احمد بهزاد ۵ نفره
رنګینه کارګر ۴ نفره
عبیدالله بارکزی ۴ نفره
قیس حسن ۴ نفره
موسی خان نصرت ۲ نفره
نقیب الله فایق ۲ نفره
فهیمه سادات ۲ نفره
عبدالصبور خدمت ۲ نفره
شېر ولي وردګ ۱ نفر
د عباس ابراهیم زاده په ګډون ۳ نور وکیلان هم خیالي پولیس لري، خو شمېر یې نه دي معلوم.
د ولسي جرګې رییس عبدالروف ابراهیمي وویل، چې دغه لېست باید اعلان شوي نه وی.
د ده پر وینا، دغه لېست باید د اداري پلاوي له پلټنو وروسته په ډاګه شوی وی.
ابراهیمي دغه لېست غلط وباله او زیاته یې کړه، چې د حکومت د لوړپوړي چارواکو له خوا دغه لېست د غلام حسین ناصري په واک ې ورکړل شوی .
عبدالروف ابراهیمي دغه کار یو خصمانه عمل یاد کړ او زیاته يې کړه، چې په دې اړه به څېړنې وکړي.
په ورته وخت کې د ولسي جرګې بل غړي صالح محمد صالح اندېښنه وښودله، چې یواځې دا لېست نه دی، بلکې بل داسې لېست هم شته، چې په هغه کې د هغو وکیلانو نومونه راغلي دي، چې د پولیسو له رنجرو شخصي ګټنه اخلي.
د سیګار نړیوال ادارې د افغانستان په ډېرو وزارتونو په ځانګړي ډول د پوهنې وزارت د خیالي ښوونځیو او په روغتیا وزارت کې د خیالي کلینیکونو په اړه داسې اسناد خپاره کړل، چې په هغه کې شاوخوا ۷ میلیارده ډالر اختلاس شوی وو.
