امنیتي چارواکي وايي چې د هلمند ولایت په برید کې ۳ تنه وژل شوي او ۳۰ تنه نور ټپيان شويدي.
نن سهار ۱۰بجې د هلمند د مرکز لښکرګاه ښار په کرزي لوبغالي کې داسې مهال چاودنه وشوه چې د هلمند ځایي چاراکیو د دې ولایت د اوسېدونکیو په ګډون د بزګر ورځې په نمانځلو بوخت وو.
د کورنیو چارو وزارت سرپرست ویاند نصرت رحیمي وايي چې لومړني راپورونه ښيي چې پهدې پېښه کې ۳ تنه وژل شوي او له ۳۰ ډېر ټپيان دي.
ښاغلی رحیمي وايي چې چاودنې د دوو ځایپرځای شویو ماینونو له امله رامنځته شوېدي.
ده دا هم ویلي چې ټولو د وژل شویو او ټپيانو هویت نهدی معلوم؛ خو ځېنې هلمندي چارواکي پهکې ټپيان شويدي.
تر اوسه د دې پېښې مسوولیت کومې وسلهوالې ډلې نهدی منلی.
