د ټاکنو خپلواک کمېسیون مسوولان وايي، ولسي جرګې ته د نوماندانو ټاکنیزې مبارزې به، تر راتلونکیو شپږو ورځو پیل شي.
د دغه کمېسیون غړی حفیظالله هاشمي وايي، ټاکنیزې مبارزې به د میزان په ۶مه پیل شي او د همدغې میاشتې تر ۲۵مې به دوام وکړي.
ښاغلی هاشمي د ولسي جرګې له ټولو نوماندانو غواړي، د کمېسیون طرزالعمل په بنسټ، خپلې سیالۍ وکړي او قوانین تر پښو لاندې نهکړي.
د ټاکنو خپلواک کمېسیون مسوولانو په وینا، د ۳۱ ولایتونو د رایو ورکولو پاڼې کابل ته رسېدلې دي چې د پاتې نورو ولایتونو د رایو ورکولو پاڼې به هم ډېر ژر ور ورسېږي.
رسنیو ته د ټاکنو خپلواک کمېسیون له لوري د ورکړل شویو اطلاعاتو پر بنسټ، د ټاکنو ورځې لهپاره ۵زره او سل مرکزونه او د رایو ورکولو ۲۱ زره محلونه تثبیت شويدي.
