.jpg)
د ملي شورا پر ودانۍ باندې په داسې حال کې راکټي برید شوی، چې د کورنیو چارو او ملي دفاع سرپرست وزیران او د ملي امنیت سرپرست ریس دې جرګې ته د استجواب له پاره ورغوښتل شوي وو.
پر دې ودانۍ څو توغنديز بریدونه شوي، چې یو یې د ملي شورا پر ودانۍ او دویم هغه یې د شورا په انکړ کې ګېدلی دی.
په سیمه کې د سلام وطندار خبریال د ټیلفون پر کرښه وویل، چې دا څلور راکټونه نن (دوشنبه) شاوخوا ۹ نیمې بجې توغول شوي دي.
دی وايي، تر اوسه پورې د مرګ ژوبلې په اړه جدي معلومات نه شته.
امنیتي سرچینو تر اوسه په دې اړه څه نه دي ویلي.
دغه برید پر داسې مهال کېږي، چې تېر کال هم د ملي دفاع وزارت سرپرست وزیر ملي شورا ته د باور رایو د اخیستلو له پاره ور بلل شوی، چې وسله والو طالبانو پر ملي شورا ډله ییز برید وکړ او د هغه د کاندیداتورۍ مراسم یې تخریب کړل.
تر اوسه کومې وسله والې ډلې د دغو توغندیزو بریدونو مسوولیت نه دی اخیستی.
