د لوګر په برکي برک، څرخ او خروار ولسوالیو کې د افغان ځواکونو او وسله والو طالباتو ترمنځ په یو شمېر سیمو کې نښتې روانې دي.
دغه نښتې په دغه ولایت کې د تېرې شپې راهیسې د وسله والو طالبانو له خوا د تیارې نه په ګټې اخیستنې سره پېل شوې دي.
د لوګر د سرپرست والي ویاند دین محمد دروېش سلام وطندار ته وویل، چې تر دا مهاله په دغو نښتو کې ۲۰ تنه وسله وال وژل شوي او د ۵ پولیسو په ګډون ۱۰ نور ټپیان دي.
بل لوري د لوګر ولایت یوې امنیتي سرچني، چې نه یې غوښتل نوم یې واخیستل شي؛ سلام وطندار ته وویل، په دغو نښتو کې ۵ پولیس وژل شوي او پنځه نور ټپیان شوي دي.
وسله والو طالبان وایې دلوګر په بېلا بېلو ولسوالیو کې د عزن په نوم پوځي عملیات پيل کړي دي.
