.jpg)
د لوګر د ازرې ولسوالۍ اوسېدونکیو او قومي مشرانو نن دوشنبې د (می پر ۱۵مه) د یوې غونډې په ترڅ کې پهخپلو سیمو کې د وسلهوالو پر ضد د پاڅون تابیا ونیوله.
د ۲۰۰ پاڅونوالو په مشرۍ تورن جنرال محمد عمر خان یوې سترې غونډې ته وویل، چې نور د وسلهوالو مخالفانو له فعالیتونو تر پوزې رسېدلي او هېچاته به اجازه ورنهکړي، چې پهخپله سیمه کې د دولت ضد فعالیتونه وکړي.
ده زیاته کړه په وسلهوالو طالبانو غږ وکړ، چې د سولۍ له پروسې سره یو ځای شي ګنې ولس به پهخپلو سیمو کې دوی ته د فعالیت اجازه ورنهکړي.
.jpg)
د عمرخان پر وینا، د خپلې خاورې د ساتلو لهپاره یې خپله وسله راخیستې او نور د چا غلامي نه شي منلی.
ولایتي شورا غړي ډاکټر عبدالولي وکیل په ټولې ازرې غږ وکړ، چې د خپلې خاورې لهپاره د دې مشرانو ملاتړ وکړي ځکه دوی د خاوري دفاع په پار راپورته شويدي.
د لوګر مرستیال والي قمرالدین شکېب، امنیه قوماندان لوی پاسوال عصمت الله علیزي، د ملي امنیت رییس او د ولسي جرګې او ولایتي شورا یو شمېر غړیو د ازرې ولسوالۍ امنیت ارزولو او پاڅونوالو سره د لیدو په موخه یادې ولسوالۍ ته سفر کړی و.
.jpg)
د لوګر امنیه قوماندان لوي پاسوال عصمتالله علیزي ازرې ولسوالۍ کې جوړې شوې غونډې ته وویل، چې د ازرې ولسوالۍ ۲۰۰ اوسېدونکیو د وسلهوالو طالبانو او هرې ډلې پر ضد چې د دولت پر وړاندې جنګېږي، وسله پورته کړې او پاڅون یې کړیدی.
ښاغلی علیزی زیاتوي، چې دغه کسان يې د افغانستان د کورنیو چارو وزارت په لارښونه مسلح کړي او لهدوی به د دولت هر ډول ملاتړ وکړي.
په ولسي جرګه کې د لوګر د خلکو استازي حاجي صاحب خان د ولسي پاڅونونو د ګټې په تړاو وویل، که چېرې په ټول هېواد کې همداسې خلک راپورته شي او د خپل دولت تر شا ودرېږي؛ په ټول هېواد کې به سوله راشي. ده پر وسلهوالو غږ وکړ، چې سولې ته راشي او له جنګه لاس واخلي.
په پای کې د پاڅونوالو پر مشر تورن جنرال محمد عمر خان او په ۲۰۰ نورو پاڅوون کوونکیو باندې وسلې ووېشل شوې.
ازره د لوګر لېرې پرته ناامنه ولسوالي ده، چې له ګاونډې هېواد پاکستان سره ګډه پوله لري.
