د افغانستان د شمالي ولایت جوزجان سیمهییز چارواکو سلاموطندار ته وویل، چې د یاد ولایت درزاب ولسوالي د لومړي ځل لهپاره د داعش وسلهوالو په ولکه کې شوه.
د درزاب سرپرست بازمحمد داور سلاموطندار ته وویل، چې پرته له یوې پوستې د درزاب ولسوالۍ ۹۸ سلنه خاوره د داعش په ولکه کې شوې ده.
داور وايي، چې له یوې خوا طالبان له بل خوا داعش وسلهوال پر دغې ولسوالۍ برید کړی دی.
د درزاب سرپرست ولسوال زیاتوي، چې ټول افغان امنیتي ځواکونه په یوه پوسته کې راټول شوي او تر اوسه له مرکزي حکومت نه هیڅ راپور په لاس نهلري.
داعشیانو پرون مازدیګر د جوزجان ولایت په درزاب ولسوالۍ برید کړی او تر اوسه په سیمه کې سخته نښته روانه ده. د سیمهییزو چارواکیو پر وینا، همدا مهال ۶۰ سیمهییز او ملي پولیس او ۳۵ د ملي اردو سرتېري د داعشیانو په محاصره کې دي.
د معلوماتو پر بنسټ، تر اوسه ۹ افغان امنیتي ځواکونه او ۱۳ داعشیان وژل شوي او ۳ امنیتي پولیس او ۱۵ داعشیان ټپيان شويدي.
